Marcus Grønvold
| Marcus Grønvold | |
 | |
| Statsborgarskap | Noreg |
| Fødd | 5. juli 1845 Bergen |
| Død |
10. oktober 1929 (84 år) |
| Yrke | kunstmålar, landskapsmålar |
| Sjanger | landskapsmåleri |
| Far | Christian August Grønvold |
| Marcus Grønvold på Commons | |
Marcus Frederik Steen Grønvold (5. juli 1845–10. oktober 1929) var ein norsk kunstnar. Han måla realistiske portrett og landskap.[1]
Bakgrunn
[endre | endre wikiteksten]Grønvold var fødd i Bergen[2] som son av soknepresten Christian August Grønvold (1810–1889). Han var bror av målaren Bernt Grønvold og skulemannen, forfattaren og museumsmannen Didrik Grønvold.[3]
Utdanning og virke
[endre | endre wikiteksten]
Marcus Grønvold gjekk i lære under Johan Losting og Frants Bøe i Bergen i 1865. Han studerte ved Kunstakademiet i København frå 1866 til 1869 saman med August Schneider og Christian Meyer Ross.
Han hadde ei rekkje reisestipend med opphald i Hallingdal (1869), Setesdal (1871), Bayern (1871), Sveits, Tyskland og Italia (1875) og Paris (1878). Han studerte i München under Karl Piloty frå 1874 til 1877.[2] Deretter oppheldt han seg i Düsseldorf i 1880. Grønvold slo seg endeleg ned i München 1881.
På 1870-talet var fargane hans mørke, etter tysk tradisjon, medan han let seg inspirera av den lysare franske målarskulen på 1880-talet.[4] I 1880-åra utførte han reiser i Sør-Tyrol, Sveits, Tyskland, Venezia, Roma, Austerrike (Kãrnten), og nye reiser i Tyskland (Franken og Chiemsee) fram mot fyrste verdskrigen.
I 1925 gav han ut minnebiografien Fra Ulrikken til Alperne.[2]
To av verka til Grønvold, figurstudiar frå ei reise i Setesdal, er i samlinga til det norske Nasjonalgalleriet.[2] Det er også måleri av Grønvold ved Bergen Billedgalleri, eit portrett av målaren Knud Baade, og på Myren gård i Kristiansand. Det heng eit sjølvportrett av Grønvold frå 1878 i arbeidsrommet til Henrik Ibsen i Arbins gate, saman med eit portrett Grønvold måla av Sigurd Ibsen i 1875.[5]
Galleri
[endre | endre wikiteksten]
Nonner i cistercienserklosteret Zu Seligenthal, Landshut, i ferd med å pynte klosteret. Måleri frå studieopphald i Tyskland, 1882-83. Originalen er i Myren gård i Kristiansand.
Altartavla i Johanneskyrkja i Bergen måla av Marcus Grønvold.
Setesdalsbonde, 1871
Portrett av eldre mann, 1871
Sittende krigere, 1875
Sigurd Ibsen, 1875
Kjelder
[endre | endre wikiteksten]- ↑ Per Jonas Nordhagen. «Marcus Grønvold». Norsk kunstnerleksikon. Henta 15. september 2016.
- 1 2 3 4 Haverkamp, Frode Ernst (2007). «Marcus Grønvold». I Henriksen, Petter. Store norske leksikon. Oslo: Kunnskapsforlaget. Henta 22. juni 2009.
- ↑ Henriksen, Petter, red. (2007). «Grønvold». Store norske leksikon. Oslo: Kunnskapsforlaget. Henta 22. juni 2009.
- ↑ Marcus Grønvold - Norsk kunstnerleksikon, besøkt 20. oktober 2018.
- ↑ «Ibsens leilighet». Arkivert frå originalen 3. januar 2019. Henta 15. juli 2020.
- Denne artikkelen bygger på «Marcus Grønvold» frå Wikipedia på engelsk, den 17. februar 2018.
