Mari Bjone

Mari Bjone
Statsborgarskap	Noreg
Fødd	11. september 1970 (53 år)
Idrett	friidrett

Mari Bjone (fødd 11. september 1970) er ein norsk tidlegare friidrettsutøvar frå Oslo. Åra 1990-93 og 1995-2000 vart ho noregsmeister i 400 meter hekk, under NM 1996 tok ho gullmedaljen også på 400 meter.

Aktiv

Bjone fekk sitt gjennombrot i 1990-sesongen, då ho vann langhekken i noregsmeisterskapen for fyrste gong og overraska med å ta sølvmedaljen på 400 meter. Det neste tiåret var ho den beste langhekkløparen i landet på kvinnesida. Under B-Europacupen for landslag på Fana stadion i Bergen den 28. juni 1996 presterte ho personbeste i spesialøvinga då ho vart nummer 4 på tida 57,06. Ionela Târlea frå Romania vann løpet med sine 55,61 sekund.

Bjone sanka 18 NM-medaljar i tida 1990-2002. Tolv (10-2-0) i 400 m hekk, fem (1-1-3) på 400 m og ein bronse i 100 m hekk. Ho melde seg inn i IL i BUL då ho var 12 år gammal og representerte idrettslaget til 2001. Etter ho fekk jobb på Høgskolen i Lillehammer var ho medlem i Lillehammer IF.

Plasseringar i internasjonale meisterskap

• EM 1990 i Split: Utslått i kvalifiseringa i 400 m hekk (59,65=nr 28)
• EM 1998 i Budapest: Utslått i kvalifiseringa i 400 m hekk (58,13=nr 20)

Personbeste

• 400 meter: 53,67 (Oslo, 1996)
• 100 m hekk: 14,29 (Uddevalla, 1996)
• 400 m hekk: 57,06 (Bergen, 1996)

Utgjevingar

• Rapport fra prosjektet om toppidrett og utdanning ved Høgskolen i Lillehammer 2001-2003 : et samarbeidsprosjekt mellom Høgskolen i Lillehammer og Olympiatoppen. Lillehammer: Høgskolen i Lillehammer. 2003. ISSN 0809-1609. 
• Barneidrettstreneren. Oslo: Akilles. 2012. ISSN 0809-1609.  [med Inger Marie Vingdal]

Kjelder

• friidrett.no