Mariinskijballetten
| Mariinskijballetten | |||
| Skipa | 1740-åra | ||
|---|---|---|---|
| Nettstad | http://www.mariinsky.ru/  | ||
Mariinskijballetten er eit klassisk ballettensemble med hovudscene i Mariinskij-teateret i St. Petersburg i Russland. Balletten blei grunnlagd på 1700-talet.
Mariinskijballetten har røter tilbake til den keisarlege ballettskulen i St. Petersburg, som blei grunnlagd i 1738.[1] I tsartida hadde ensemblet namnet Den keisarlege balletten til Mariinskij-teateret, men i 1935 blei han omdøypt til Kirovballetten etter den sovjetiske politikaren Sergej Kirov som var blitt drepen året før. Under turnear utanfor Russland blir ensemblet ofte marknadsført som Kirovballetten, sjølv om det det offisielle namnet har vore Sankt Petersburgs Mariinskij-ballett sidan 1991. Mariinskijballetten driv Vaganova ballettakademi, ein leiande internasjonal ballettskule.
Mange av dei fremste ballettdansarane i Russland var knytte til Mariinskijballetten, blant andre Olga Preobrajenskaja, Matilda Ksjesinskaja, Anna Pavlova, Tamara Karsavina, Vatslav Nizjinskij, George Balanchine, Lydia Lopokova, Galina Ulanova, Marina Semjonova, Rudolf Nurejev, Mikhail Barysjnikov og Svetlana Zakharova.
Kjelder
[endre | endre wikiteksten]- ↑ «Mariinskij-balletten» i Store norske leksikon, snl.no.
- Denne artikkelen bygger på «Mariinskijballetten» frå Wikipedia på bokmål, den 8. oktober 2021.
