Hopp til innhald

Marija Muzytsjuk

Frå Wikipedia – det frie oppslagsverket
Marija Muzytsjuk

StatsborgarskapUkraina
Fødd21. september 1992 (33 år)
Språkukrainsk
Medlem avUkraine women's national chess team[*], OSG Baden-Baden[*]
Marija Muzytsjuk på Commons

Marija Olehivna Muzytsjuk[a] (fødd 21. september 1992) er ein ukrainsk sjakkstormeister og var verdsmeister i sjakk for kvinner frå april 2015 til mars 2016. Ho var også to gongar kvinneleg meister i Ukraina (2012 og 2013) og verds- og europeisk lagmeister for Ukraina i 2013.[1] Muzytsjuk har hatt fleire sigrar for Ukraina, og har vunne gull i 2022, sølv i 2018 og bronse i 2012, 2014 og 2016.[2][3][4][5][6]

Karriere

[endre | endre wikiteksten]

Muzytsjuk blei fødd i Lviv[7] og fekk fyrst opplæring i sjakk som toåring, av foreldra sine. Då ho var tre år gammal kunne ho alle sjakkbrikkene.[8] Som seksåring deltok Muzytsjuk i si fyrste sjakkturnering.[8]

Muzytsjuk vann i klassen for jenter under 10 år ved EM i sjakk for ungdom i 2002. I november 2010 blei ho rangert som den femte høgaste rangerte kvinnelege spelaren under 20 i verda.[9]

Muzytsjuk kom seg til topp-16 i verdsmeisterskapen i sjakk for kvinner i 2010, men tapte mot Harika Dronavalli i eit armageddon-sluttspel etter at det blei uavgjort i den ordinære kampen.

Muzytsjuk vann den ukrainske sjakkmeisterskapen for kvinner i 2012 og 2013. I 2014 vann ho prisen for beste kvinne i Gibraltar Masters-turneringa, der ho også fekk en stormeisternorm.[10]

Muzytsjuk vann verdsmeisterskapen i sjakk for kvinner 2015. I fyrste runde enda i remis mot Yuanling Yuan i dei klassiske spela, men Muzytsjuk sigra til slutt over ho i eit tiebreak. I runde to spela ho uavgjort mot Monika Soćko i dei klassiske spela, og vann også over ho i eit tiebreak. I runde tre slo hun den tidlegare verdsmeisteren i sjakk for kvinner Antoaneta Stefanova i dei klassiske spela med ein poengsum på 1,5–0,5. I kvartfinalen slo ho rundeleiaren Humpy Koneru i tiebreak (2,5–1,5), og slo deretter Harika Dronavalli i semifinalen med tiebreak (3,5–2,5). I finalen slo ho Natalja Pogonina med ein score på 2,5–1,5. Som eit resultat av sigeren oppnådde ho stormeistertittelen og kvalifiserte seg til verdsmeisterskapen i sjakk 2015 som blei arrangert i Baku i Aserbajdsjan.[11] I 2015 blei Muzytsjuk tildelt fortenestorden av 3. klasse av den ukrainske presidenten Petro Porosjenko.[12]

Muzytsjuk mista tittelen som verdsmester mot Hou Yifan i verdsmeisterskapen i sjakk for kvinner 2016, som enda med eit resultat på 3–6.

I 2017 nekta Muzytsjuk å spele i verdsmeisterskapen i Iran av protest, fordi ho var forplikta til å bruke hijab.[13]

Spelestil

[endre | endre wikiteksten]
Ukrainsk frimerke frå 2015 med Anna (til høgre) og Marija (til venstre)

I opningar spelar Muzytsjuk typisk kongebondeopning som kvit, og siciliansk og hollandsk med svart.[14] Muzytsjuk er god til å finne uventa taktiske triks, noko som av og til kompenserer feilvurderingar i hennar posisjonsforståing.[15] Under VM-kampen i 2015 mot Natalja Pogonina blei Muzytsjuk kalla «Miss Tactics» av pressa.[15][16]

Privatliv

[endre | endre wikiteksten]

Muzytsjuk har ei eldre syster, Anna Muzytsjuk, som også er ein høg rangert sjakkspelar. Utanom sjakk spelar også båe søstrene bordtennis.[8]

Merknadar

[endre | endre wikiteksten]
  1. ↑ ukrainsk Марі́я Оле́гівна Музичу́к

Kjelder

[endre | endre wikiteksten]
  1. ↑ «Ukrainian Mariya Muzychuk is the new Women's World Champion». Chess Daily News. Henta 21. desember 2015.
  2. ↑ «Uzbekistan Wins Gold In Open; Ukraine In Women's; India Wins Gaprindashvili Cup». chess.com. Henta 10. august 2022.
  3. ↑ «43rdOlympiad Batumi 2018 Women». chess-results.com. Henta 10. august 2022.
  4. ↑ «42ndOlympiad Baku 2016 Women». chess-results.com. Henta 10. august 2022.
  5. ↑ «41st Olympiad Tromso 2014 Women». chess-results.com. Henta 10. august 2022.
  6. ↑ «40th Chess Olympiad Istanbul 2012 Women». chess-results.com. Henta 10. august 2022.
  7. ↑ GM norm certificate FIDE
  8. 1 2 3 «"We are not the Ukrainian 'Kosintseva Sisters'! We are the Muzychuk Sisters!"». Chess Daily News. Henta 21. desember 2015.
  9. ↑ «Top 20 Girls November 2010». Henta 16. april 2015.
  10. ↑ Ramirez, Alejandro. «Closing Gala in Gibraltar». ChessBase. Henta 8. desember 2015.
  11. ↑ «Mariya Muzychuk is the 15th World Champion». ChessBase. Henta 6. april 2015.
  12. ↑ «Порошенконаградил чемпионку мира по шахматам Музычук орденом». RIA Novosti. Arkivert frå originalen 21. januar 2024. Henta 21. desember 2015.
  13. ↑ «Women's World Championship 2017: Who plays, who doesn't?». Chess News (på engelsk). 12. januar 2017. Henta 5. mai 2018.
  14. ↑ «Mariya Muzychuk». ChessDB. Arkivert frå originalen 19. oktober 2014. Henta 21. desember 2015.
  15. 1 2 «Miss Tactics Knocks Out Rating Favorite». Chess News. Henta 21. desember 2015.
  16. ↑ «Ukrainian chess player wins 2015 Women's World Championship». UNIAN. Henta 21. desember 2015.
Henta frå «https://nn.wikipedia.org/w/index.php?title=Marija_Muzytsjuk&oldid=3599808»