Marit Aarum
| Marit Aarum | |||
 | |||
| Fødd | 22. april 1903 | ||
|---|---|---|---|
| Død | 19. februar 1956 (52 år) | ||
| Statsborgar av | Noreg | ||
| Parti | Venstre | ||
| Yrke | samfunnsøkonom, politikar | ||
| Medlem | Norsk Kvinnesaksforening | ||
| Alle verv |
| ||
Marit Johanne Aarum (22. april 1903–19. februar 1956) var ein norsk samfunnsøkonom, kvinnesaksforkjempar og venstrepolitikar, som var leiar i Norsk Kvinnesaksforening 1955–1956. Ho hadde ei rekkje verv i Venstre og var vararepresentant til Stortinget.
Karriere
[endre | endre wikiteksten]Aarum tok examen artium i 1921 og blei utdanna cand.oecon. ved Universitetet i Oslo i 1926. Etter eit utanlandsopphald blei ho tilsett som sekretær (saksbehandlar) i Statens arbeidstilsyn, der ho i 1945 blei inspektør og seinare konsulent, ei relativt høg stilling på det tidspunktet. Ho arbeidde blant anna med internasjonale avtalar og forhandlingar, og særleg med SN-systemet. Ho var regjeringsutsending for Noreg til den internasjonale arbeidskonferansen i 1948, representerte ofte Noreg på møte med Den internasjonale arbeidsorganisasjonen (ILO) og jobba som SN-ekspert i Pakistan for ILO 1952–1953, der ho var sysselsett med å betre arbeidsforholda i industri og landbruk.[1][2]
Politisk arbeid
[endre | endre wikiteksten]Aarum var engasjert i Venstre og Norsk Kvinnesaksforening.[3]
Aarum var 1. viseformann i Norsk Kvinnesaksforening 1952–1955 og overtok som fungarande formann då Ingerid Gjøstein Resi døydde i ein flystyrt i Sovjetunionen i august 1955. Ho sat i formannsvervet til ho sjølv døydde i februar 1956. Ho var også redaktør for tidsskriftet Kvinnesaksnytt og medlem av arbeidsutvalet i Norske Kvinners Nasjonalråd, ein paraplyorganisasjon der NKF var medlem.[4]
Aarum var formann i Oslo Venstre, medlem av Oslo bystyre, varamedlem av Oslo formannskap og medlem av ei rekke kommunale komitear i Oslo for Venstre. Ho var vararepresentant til Stortinget for Venstre frå 1954 til ho døydde.[5]
Utgjevingar
[endre | endre wikiteksten]- 1949: Midlertidig lov om Arbeidsvilkår for hushjelp av 3. desember 1949 : med kommentarer samt en del om Ferieloven og Syketrygdloven
Kjelder
[endre | endre wikiteksten]- ↑ Elisabeth Lønnå (1996). Stolthet og kvinnekamp: Norsk kvinnesaksforenings historie fra 1913. Oslo: Gyldendal Norsk Forlag. s. 335. ISBN 8205244952.
- ↑ Dagbladet. 1956-02-20. s. 2.
- ↑ Marit Aarum hos Norsk Kvinnesaksforening.
- ↑ Norske kvinners nasjonalråd 1904–1954. NKN. 1957. s. 89.
- ↑ Marit Aarum hos Stortinget.
- Denne artikkelen bygger på «Marit Aarum» frå Wikipedia på bokmål, den 11. mars 2023.