Markoosie Patsauq

Frå Wikipedia – det frie oppslagsverket
Markoosie Patsauq
Fødenamn ᒫᑯᓯ ᐸᑦᓴᐅᖅ
Statsborgarskap Canada
Fødd 24. mai 1941
Inukjuak
Død

8. mars 2020 (78 år)
Inukjuak

Yrke skribent, flygar
Språk inuktitut

Markoosie Patsauq (24. mai 19418. mars 2020) var ein kanadisk inuittisk forfattar frå Inukjuak i Nunavik nord i Quebec.[1][2] Han er best kjend for Harpoon of the Hunter (ᐊᖑᓇᓱᑦᑎᐅᑉ ᓇᐅᒃᑯᑎᖓ), den fyrste romanen på inuktitut til å bli utgjeven. Romanen blei skriven etter, men gjeven ut før (1970), enn Mitiarjuk Nappaaluk sin Sanaaq.[3]

Liv og virke[endre | endre wikiteksten]

Patsauq blei fødd nær Inukjuak i Quebec.[4] Familien hans var ein av dei som blei tvangsflytta til Resolute i Nortdvestterritoria under High Arctic relocation-programmet i 1953.[5] Han gjekk seinare på high school i Yellowknife.[6]

Patsauq skreiv oppvekstromanen Harpoon of the Hunter i 1969 medan han verka som flygar (den fyrste inuittiske flygaren i Canada), medan han sat vêrfast.[7] Han brukte stoff han hadde høyrd og spurt seg fram til frå familiemedlemmar og eldre i lokalsamfunnet sitt.[7] Forteljinga kom ut som framhaldsroman i det inuittiske bladet Inuttituut, og blei gjeven ut i ei engelsk omsetjing utført av Patsauq i 1970.[6] Den engelske utgåva blei omsett til ukrainsk og gjeven ut i 1974 av forlaget Veselka. Ho blei også omsett til dansk og tysk.[7] Det kom ut ei fransk omsetjing i 2013, og omsetjingar til hindi og marathi i 2015.[8][9] Det er sidan gjort forsøk på å laga nye omsetjingar frå den opphavleg inuktitut-teksten.[7]

Patsauq skreiv også noveller og sakprosa, men ingen av dei andre verka hans blei så godt kjende som Harpoon of the Hunter.[4]

Han døydde i mars 2020 i heimen sin i Inukjuak.[4]

Kjelder[endre | endre wikiteksten]

Bakgrunnsstoff[endre | endre wikiteksten]