Martin Linge

Frå Wikipedia – det frie oppslagsverket
Hopp til navigering Hopp til søk
Martin Linge
Martin Linge.jpeg
Fødd 11. desember 1894
Norddal
Død

27. desember 1941
Måløy

Yrke skodespelar, militær
Martin Linge på Commons

Martin Jensen Linge (11. desember 189427. desember 1941) var ein norsk skodespelar, offiser og motstandsmann under andre verdskrigen. Han leidde nokre av dei første norske styrkane i Storbritannia under den andre verdskrigen, som seinare vart kalla Kompani Linge etter han.

Martin Linge var fødd i Negarden på Linge i NorddalSunnmøre. Han var son av bonden Jens Linge og Gunhild Muldal. Linge var gift med Margit F. Vogt (søster av samfunnsøkonomiprofessoren Johan Vogt), dei var foreldre til båtkonstruktøren Jan Herman Linge og besteforeldre til forfattaren Espen Haavardsholm.[1][2]

Sytten år gamal kom han inn på underoffiserskulen i Trondheim og vart etter tre år korporal. Hausten 1914 tok han til på Katedralskulen i Trondheim. Der var han mellom anna formann i Fraternitas Nidrosiensis og skreiv ein del for Minerva (på nynorsk). Etter artium gjekk Linge krigsskulen, då denne var fullført byrja han i skodespelarlære hos fru Movinckel. Han debuterte på Centraltheateret i 1921, før han gjekk over til Det Norske Teatret.[3]

Her fikk skuespiller Linge
lysende sitt gjennombrudd.
Møtt av ingen bifallsalve,
men av mitraljøseskudd.

Frå Nordahl Grieg sitt minnedikt om Martin Linge
Minnebauta på garden Linge i Norddal.

Andre verdskrigen[endre | endre wikiteksten]

Heile vinteren 1940 stod ryggsekken hans ferdigpakka slik at han kunne dra ut i felten på kort varsel. Ved invasjonen 9. april reiste han til Setnesmoen ved Åndalsnes, der vart han skada av ein granatsplint og kom til England med eit hospitalskip. Linge vart utpeika til ei ny avdeling med namnet «Norwegian Independent Company No 1», betre kjent som Kompani Linge.[4] Svolværraidet i 1941 var det første allierte strandhogget i det okkuperte Europa. I desember 1941 leidde Linge den norske avdelinga under Måløy-raidet, men vart skoten og drepen på trappa til Ulvesund Hotell i Måløy. Kronprins Olav avduka minnebauta på heimstaden Linge 17. juni 1946.[5]

Kjelder[endre | endre wikiteksten]

  1. Tafjord, Leonhard og Terje Linge (1997): Ættebok for Norddal. 2.utgåve. Bind 1, s.422.
  2. Haavardsholm, Espen (28. september 2014). «Martin Linge». Norsk biografisk leksikon (på norsk). 
  3. Kleiva, Ivar (red.) (1976): Norddal bygdebøker. band IV. Norddal kommune.
  4. Kleiva, Ivar (red.) (1976): Norddal bygdebøker. band IV. Norddal kommune.
  5. Furseth, Astor (1987): Norddal i 150 år 1837-1987. Valldal: Norddal kommune.

Bakgrunnsstoff[endre | endre wikiteksten]