Mathias Engebretsson Øvrom

Mathias Engebretsson Øvrom
Statsborgarskap	Noreg
Fødd	12. september 1821
Død	13. august 1893 (71 år)
Yrke	politikar
Språk	norsk

Mathias Engebretsson Øvrom (12. september 1821–13. august 1893) var ein norsk lærar, gardbrukar og stortingsmann frå Gjerpen i Telemark.

Øvrom var son til ein husmann i Gjerpen. Etter å ha gått i lære hos soknepresten var han omgangsskulelærar frå 1841 til -46. Deretter gjekk han Asker seminar og var huslærar 1847-48 og så lærar ved den Tordenskjoldske skole i Holmestrand, frå 1851 var han andrelærar i folkeskulen i Porsgrunn. Seinare vart han fyrstelærar og frå 1869 kyrkjesongar i Gjerpen. Same året kjøpte han seg gard på Sem og vart gardbrukar òg.

I si tid i Porsgrunn var han medlem av formannskapet i byen. Øvrom var ordførar i Gjerpen 1869-85, seinare varaordførar. Han var medlem av forlikskommisjonen 1882-90. Øvrom var 4. representant frå Bratsbergs amt på Stortinget 1871-73, medlem av protokollkomiteen.

Kjelder

• Lindstøl, Tallak: Stortinget og Statsraadet 1814-1914. Kristiania, 1914