Matlock
| Matlock | |||
| by | |||
 | |||
| Land |  England | ||
|---|---|---|---|
| Region | Derbyshire | ||
| Distrikt | Derbyshire Dales | ||
| Areal | 5,50 km² | ||
| Folketal | 15 519 (2016)[1] | ||
| Postnummer | DE4 | ||
| Retningsnummer | 01629 | ||
 Matlock 53°08′N 1°33′W / 53.14°N 1.55°W | |||
| Wikimedia Commons: Matlock, Derbyshire | |||
Matlock er administrasjonsbyen i Derbyshire og distriktet Derbyshire Dales i England. Han var tidlegare ein kurstad, og ligg ved elva Derwent.
Opphavleg låg det fleire små landsbyar i området: Matlock Town, Matlock Green, Matlock Bridge og Matlock Bank. I 1698 vart det oppdaga varme kjelder der, og kurhotella, kjent som «hydros», sprang opp. Folkesetnaden auka dermed valdsamt, og byen oppstod. Det største hotellet vart opna i 1853, og nedlagt i 1950-åra då administrasjonen til byen flytta inn i bygningen.
I 1893 vart det anlagt ein kabeldriven trikk gjennom byen, inspirert av trikken i San Francisco. Då han vart opna var han den brattaste trikkelinja i verda, og kosta to pennyar opp og ein penny ned. Banen vart nedlagt i 1927 etter at bilar og bussar hadde teke over.
Leys Park er ein stor viktoriansk park ved elva. Han opna i 1898, og har no ein modelljernbane på permanent utstilling i den gamle trikkestallen, som vart flytta til parken, og dessutan ein musikkpaviljong og ein dam med små motorbåtar. Båtane er dei eldste i slaget sitt som enno er i drift i Storbritannia.
Byen ligg i den sørvestlege utkanten av Peak District. Matlock Bath ligg rett sør for byen.
Galleri
[endre | endre wikiteksten]
Hovudgata i Matlock i 2005.Foto: Jed Bland
Matlock sett frå Riber.Foto: Rob Bendall
Kjelder
[endre | endre wikiteksten]- Denne artikkelen bygger på «Matlock» frå Wikipedia på bokmål, den 15. juli 2011.
