Maurice Norman

Maurice Norman
Statsborgarskap	Storbritannia
Fødd	8. mai 1934 Mulbarton
Død	27. november 2022 (88 år)
Idrett	fotball
Tok del i	VM i fotball 1962, VM i fotball 1958

Maurice Norman (8. mai 1934–27. november 2022) var ein engelsk fotballspelar frå landsbyen Mulbarton i Norfolk. Han var midtstoppar på Tottenham-laget som sanka fleire triumfar tidleg i 1960-åra.

Karriere

Klubbspel

Norman var 1952-55 Norwich City. I november 1955 vart han overført til Tottenham Hotspur mot £28 000. Dei neste ti åra spelte han for London-laget på White Hart Lane. Han var ein av nøkkelspelarane i sjefstrenar Bill Nicholson sitt mannskap som i 1961 vart både ligameister og cupmeister, i 1962 forsvarte triumfen i FA-cupen og i 1963 sigra i den europeiske cupvinnarcupen.

Landslagsspel

Norman fekk sin landslagsdebut i mai 1962 og spelte den neste månaden alle England sine kampar under Fotball-VM 1962 i Chile. Fram til desember 1964 deltok han i til saman 23 landskampar, utan å kome på skåringslista.

Merittar

• Ligameister: 1961 med Tottenham
• Vinnar av FA-cupen: 1961 og 1962 med Tottenham
• Vinnar av cupvinnarcupen: 1963 med Tottenham

Han la opp etter ein alvorleg skade frå ein kamp i november 1965.

Kjelder

• Denne artikkelen bygger på «Maurice Norman» frå Wikipedia på engelsk, den 1. november 2021.
• eu-football