Maurice de Vlaminck

Maurice de Vlaminck
Fødd	4. april 1876 Paris
Død	11. oktober 1958 (82 år) Rueil-la-Gadelière
Yrke	kunstmålar, skribent, bilethoggar, grafikar, lyrikar, teiknar
Maurice de Vlaminck på Commons

Maurice de Vlaminck (4. april 1876–11. oktober 1958) var ein fransk målar, grafikar og forfattar. Som biletkunstnar vert han rekna til fauvistane.

Vlaminck voks opp i Paris, der foreldra var musikarar. Han gjekk inn i militæret, der han møtte André Derain. Derain lærde Vlamick å måle, og dei to vart seinare gode målarvenner. Vlaminck var særleg inspirert av Vincent Van Gogh og seinare Paul Cézanne.

I 1905 var Vlamick mellom dei såkalla les fauves som stilte ut på 'Salon d'automne' i Paris. Stilen hans var prega av målarkollegaene som sokna til fauvismen. Han beheldt heile sitt lange målarliv sin eigen stil, med ganske tjukk måling og store, sikre strøk. Fargane er noko meir avdempa enn hos førebileta. Motiva i bileta hans er oftast landskap, sjeldnare figurar.

Forfattaren Maurice de Vlaminck skreiv cirka 20 bøker. Ingen av bøkene er utgitt på norsk.

Han døyddde 82 gammal i landsbyen Rueil-la-Gadelière.

Bakgrunnsstoff

• Maurice de Vlaminck på Artnet
• Maurice de Vlaminck – Biografi

Kjelder

• Denne artikkelen bygger på «Maurice de Vlaminck» frå Wikipedia på bokmål, den 20. juli 2012.