Maybe av The Chantels

Frå Wikipedia – det frie oppslagsverket
Maybe
Singel av The Chantels
frå albumet We Are the Chantels
B-side

«Come My Little Baby»

Språk engelsk
Utgjeve Desember 1957
Innspelt 16. oktober 1957
Sjanger Doo wop
Lengd 2:54
Selskap End
Låtskrivar(ar) George Goldner, Casey (kreditert)
Richard Barrett (seinare kreditert)

«Maybe» er ein song med tekst og musikk opphavleg tillagt End Records-eigaren George Goldner og «Casey». Opphavsretten vart seinare overført til Richard Barrett. Ein trur at Arlene Smith, førstevokalist i The Chantels, var med på å skrive songen. Han vart først spelt inn av The Chantels den 16. oktober 1957 i doo-wop-stil med Barrett på piano. Singelen kom ut i desember 1957 og klatra inn på singellistene i januar 1958. Songen nådde 15. plassen poplista og andreplassen på R&B-lista. Han er sidan blitt skildra som «utan tvil det første verkelege glimtet av jentegruppestilen».[1] Rolling Stone rangert songen på 199. plassen på lista si over dei 500 beste songane gjennom tidene..[2]

Songen er blitt spelt inn av mange andre artistar, som Janis Joplin, The Three Degrees (som i 1970 tok songen inn på Topp 30 i USA) og The Shangri-Las. John Frusciante frå Red Hot Chili Peppers har framført songen på konsertar, som ein kan sjå på DVD-en Live At Slane Castle.

Songen vart nytta i videospelet Mafia II, trass i at handlinga finn stad i 1951 og songen ikkje vart innspelt før i 1957.

Billboard kåra songen til den 60. beste songen på lista si over dei 100 beste songane gjennom tidene av ei jentegruppe.[3]

Kjelder[endre | endre wikiteksten]

  1. AllMusic
  2. «Rolling Stone's 500 Greatest Songs of All Time». Rolling Stone. April 2010. Arkivert frå originalen 29. desember 2014. Henta 21. februar 2018. 
  3. «100 Greatest Girl Group Songs of All Time: Critics' Picks». Billboard. Henta 21. februar 2018. 

Bakgrunnsstoff[endre | endre wikiteksten]