Medley i symjing

4 x 100 m medleystafett under World Aquatic Championships 2017 i Budapest.

Medley i symjing er ein kombinasjon av fire ulike symjestilar i ein distanse. Ein kan symja medley både som individuell øving og som stafett.

Individuell medley

I individuell medley symm den same symjaren like lange distanser i fire ulike stilar. Rekkjefølgja er:

1. Butterfly
2. Rygg
3. Bryst
4. Fristil (crawl) (alle symjestilar er lov bortsett frå butterfly, bryst- eller ryggsymjing)

Tevlingar

Ein tevlar både nasjonalt og internasjonalt på følgjande distansar: 100 m, 200 m, 400 m.

• 100 m individuelt: Berre i kortbanebasseng (25 m). Er ikkje olympisk øving.
• 200 m individuelt: Både i kortbane- og langbanebasseng. Dette var olympisk øving i OL 1968 i Mexico by, og frå og med OL 1984 i Los Angeles har øvinga vore fast på programmet.
• 400 m individuelt: Både kortbane og langbane. Har vore OL-øving sidan OL 1964 i Tokyo.

Medleystafett

Medleystafett (også kalla lagmedley) blir symd av lag med fire deltakarar, der kvar deltakar sym ein etappe. Ryggsymjing er den første disiplinen, sidan ryggsymjarane startar frå vatnet. Rekkjefølgja er:

1. Rygg
2. Bryst
3. Butterfly
4. Fristil (crawl)

Tevlingar

Ein tevlar i:

• 4 * 50 m medleystafett: Berre i kortbanebasseng, og er ikkje ei olympisk øving.
• 4 x 100 meter medley: Både i kortbane- og langbanebasseng. Har stått på det olympiske programmet sidan OL 1960 i Roma..

Kjelder

• Denne artikkelen bygger på «Medleysvømming» frå Wikipedia på bokmål, den 26. januar 2019.