Melchior Fuhr
| Melchior Fuhr | |
| Statsborgarskap | Noreg |
| Fødd | 1790 |
| Død |
11. august 1869 (79 år) |
| Yrke | politikar |
| Språk | norsk |
Melchior Schjelderup Olsson Fuhr (1790–11. august 1869) var ein norsk sjømann, gardbrukar og stortingsmann frå Luster i Sogn.
Fuhr var son til ein gardbrukar i Luster. Sjølv tok han styrmannseksamen i Christiania i 1813. Fram til 1816 var han sjømann, deretter var han tilsett i ei handelsverksemd på Lærdalsøyri. Sidan kjøpte han garden Ottum i Luster og dreiv denne til han tok ut kår.
Fuhr var 4. representant på Stortinget 1836 og omframstortinget 1836-37 frå Nordre Bergenhus amt, medlem av tollkomiteen. Fuhr vart på ny stortingsmann i 1842, då medlem av Lagtinget og kriminallovkomiteen. 1838-41 var Fuhr den fyrste ordføraren i Luster. Han var medlem av forlikskommisjonen 1835-42.
Melchior Fuhr døydde på Ottum-garden i Luster i 1869.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Melchior Fuhr NSD Norsk senter for forskningsdatas politikararkiv
- Melchior Schelderup Olsson Fuhr Arkivert 2014-02-22 ved Wayback Machine. i NRK Sogn og Fjordane Fylkesleksikon