Melodi Grand Prix 1982

Melodi Grand Prix 1982
Dato
Finale	20. mars 1982
Vertskap
Finale	Studio 2, NRK Marienlyst, Oslo
Programleiar	Ivar Dyrhaug
Kringkastar	Norsk rikskringkasting
Deltakarar
Deltakarar	10
Vinnar
Song	«Adieu»
Artist	Jahn Teigen og Anita Skorgan
Resultat i Eurovision Song Contest 1982
Finalepoeng	40
Finaleplass	12.
Noreg i Eurovision Song Contest
Melodi Grand Prix 1981 Melodi Grand Prix 1983

Melodi Grand Prix 1982 var den 22. utgåva av Melodi Grand Prix, Noregs nasjonale uttaking til Eurovision Song Contest. Ti bidrag tevla i finalen 20. mars 1982, og vinnaren blei «Adieu» framført av Jahn Teigen og Anita Skorgan. Songen er komponert av Jahn Teigen, medan Herodes Falsk skreiv teksten. Duoen Teigen og Skorgan representerte Noreg i den internasjonale finalen i Harrogate, der «Adieu» enda på 12. plass med 40 poeng.

Sendinga

Etter fiaskoen året før, brukte NRK ein ny metode for å finne dei ti finalebidraga. Ein melodi, «Adieu», blei spesialinvitert av NRK, medan ein jury plukka ut fire songar blant 480 innsendte til NRKs opne tevling.

I tillegg hadde NRK henta inn ti bidrag frå medlemmar av Forum for ord og toner. Songane blei framførte to og to over fem veker hausten 1981 i TV-programmet Kom inn!, leia av Harald Tusberg. Vinnaren av kvar duell gjekk til finalen 20. mars.

Finalen gjekk av stabelen i Studio 2 på Marienlyst, og Ivar Dyrhaug debuterte som programleiar i Melodi Grand Prix. Dei ti finalelåtane blei akkompagnerte av Kringkastingsorkestret under leiing av Egil Monn-Iversen.

Fleire kjende komponistar og artistar deltok, mellom anna Inger Lise Rypdal, Alex, Trond Granlund, Dollie og Kari Bremnes. Marius Müller blei slått ut i kvalifiseringa. Dette året dukka også Rolf Løvland for første gong opp i Melodi Grand Prix, då som komponisten bak bidraget «Kom heim».

Vinnaren blei kåra av elleve distriktsjuryar, og «Adieu» vann ein overlegen siger.

Resultat

Nr.	Tittel	Artist	Komponist og tekstforfattar	Poeng	Plass
A	«Adieu»	Jahn Teigen og Anita Skorgan	Jahn Teigen og Herodes Falsk	116	1
B	«Lady Di»	Inger Lise Rypdal	Nissa Nyberget og Lars Mjøen	88	2
C	«Lisa»	Trond Granlund	Kristian Lindeman og Philip A. Kruse	67	5
D	«Perfekte engel»	Alex	Alex Sandøy/Svein Gundersen og Lars Kilevold/Sandøy	75	4
E	«Vi får, vi gir, vi går, vi blir»	Frank Aleksandersen	Benny Borg	80	3
F	«Det er deg jeg skal ha»	Dollie	Benedicte Adrian/Ingrid Bjørnov og Ole A. Sørli/Adrian/Bjørnov	23	10
G	«Café Jupiter»	Freddy Dahl	Atle Bakken/Geir Holmsen og Trond Brænne	54	6
H	«Barnesinn»	Gudny Aspaas	Gudny Aspaas/Geir Langslet og Gudny Aspaas	41	9
I	«Romantikk»	Kari Bremnes og Stiftelsen	Petter Henriksen og Kari Bremnes	48	7
J	«Kom heim»	Bo	Rolf Løvland og Terje Formoe	46	8

Avstemming

NRK brukte dette året ei juryordning etter same mønster som i den internasjonale finalen. Elleve jurygrupper sat på ulike stader i landet og gav røystene sine. Kvar jury hadde elleve medlemmar med ulik alder, kjønn og yrkesbakgrunn. Kvar jury gav 1–8, 10 og 12 poeng til dei ti finalistane.

Nr.	Tittel	1.	2.	3.	4.	5.	6.	7.	8.	9.	10.	11.	Totalt
A	«Adieu»	12	12	12	12	10	8	8	10	10	12	10	116
B	«Lady Di»	8	2	8	8	5	7	12	12	8	6	12	88
C	«Lisa»	5	10	6	7	1	6	5	6	6	8	7	67
D	«Perfekte engel»	4	4	10	4	2	10	7	4	12	10	8	75
E	«Vi får, vi gir, vi går, vi blir»	10	6	5	10	4	12	10	8	5	7	3	80
F	«Det er deg jeg skal ha»	1	1	2	3	7	1	2	1	3	1	1	23
G	«Café Jupiter»	3	7	7	2	8	5	4	5	2	5	6	54
H	«Barnesinn»	6	5	4	5	6	3	3	3	1	3	2	41
I	«Romantikk»	7	3	3	1	12	4	6	2	4	2	4	48
J	«Kom heim»	2	8	1	6	3	2	1	7	7	4	5	46

Dette var regionane: 1. Trøndelag (Trondheim), 2. Hordaland (Bergen), 3. Nordland (Bodø), 4. Rogaland (Stavanger), 5. Troms (Tromsø), 6. Sørlandet (Kristiansand), 7. Finnmark (Vadsø), 8. Hedmark (Elverum), 9. Møre og Romsdal (Ålesund), 10. Telemark (Ålesund), 11. Østlandssendingen (Oslo).

Hendingar

NRK satsa dette året sterkare enn nokon gong på å produsere ein vinnarmelodi. Allereie i 1978 blei NRK kontakta av den britiske professoren René Hérail som tilbaud seg å lage ein «euro-slager» basert på logaritmar og datautrekningar. Dette resulterte i «Adieu» som blei sungen av Jahn Teigen og den dåverande kjærasten hans, Anita Skorgan. «Adieu» vann den norske finalen klart, fekk ein moderat suksess og låg på VG-lista i fem veker. Også pressa var positiv og kalla vinnaren passande nok for ein «velkalkulert slager». Men trass all optimismen, det norske bidraget blei berre nummer 12 av 18 i den internasjonale finalen.

Før den norske finalen hamna Eigil Berg i ei bilulykke saman med bandet sitt, New Jordal Swingers. Han trekte seg frå tevlinga, og songen blei gitt vidare til Frank Aleksandersen, som også hadde vore Berg sin motstandar i kvalifiseringa.

Kvalifiseringa

Hausten 1981 blei ti melodiar frå Forum for ord og tone presentert over fem veker i programserien Kom inn!. TV-sjåarane avgjorde duellen ved å røyste på favorittlåten sin per postkort. Dei fem semifinalane blei haldne 12.  september, 3. oktober, 24. oktober, 14. november og 5. desember. Resultatet av den siste duellen blei offentleggjort i det sjette programmet 26. desember.

Duell	Tittel	Artist	Komponist	Tekstforfattar	Plass
1	«Løp»	Brannvesenet	Jan Moe	Jan Paulsen	2
	«Lady Di»	Inger Lise Rypdal	Nissa Nyberget	Lars Mjøen	1
2	«Uflaks»	Stein Ingebrigtsen	Kristian Lindeman	Stein Ingebrigtsen	2
	«Lisa»	Trond Granlund	Kristian Lindeman	Philip Kruse	1
3	«Åi»	Frank Aleksandersen	Frank Aleksandersen	Frank Aleksandersen	2
	«Vi får, vi gir, vi går, vi blir»	Eigil Berg	Benny Borg	Benny Borg	1
4	«Det er deg jeg skal ha»	Dollie	Dollie	Dollie, Ole A. Sørli	1
	«Lille mann»	Bente Müller	Bente Müller	Bente Müller	2
5	«Perfekte engel»	Alex	Alex, Svein Gundersen	Alex, Lars Kilevold	1
	«Ung og fri»	Marius Müller	Finn Kalvik	Finn Kalvik	2