Melton Mowbray
| Melton Mowbray | |||
| by | |||
 | |||
| Land |  England
| ||
|---|---|---|---|
| Region | Leicestershire | ||
| Distrikt | Melton | ||
| Postnummer | LE13 | ||
| Retningsnummer | 0 1664 | ||
 Melton Mowbray 52°45′58″N 0°53′10″W / 52.7661°N 0.886°W | |||
| Wikimedia Commons: Melton Mowbray | |||
Melton Mowbray (ofte berre kalla Melton) er administrasjonsbyen i distriktet Melton i Leicestershire i England. Han ligg ved elva Eye, som etter Melton er kalla Wreake. I 2019 hadde byen eit folketal på 27 670.[1]
Byen er best kjend for sine særeigne paiar med svinekjøt, Melton Mowbray pork pie, og er ein av stadane det blir laga stiltonost på lisens.[2] Han er òg kjend for meltonstoff, som først er nemnd i 1823. Det er eit tettvove ullstoff som er valka slik at det vert mjukt, og vert ofte nytta til ytterjakkar. Stoffet liknar mjuk vadmål.
Namn[endre | endre wikiteksten]
Namnet kjem frå det gammalengelske Medeltone, med tydinga 'midtby omgjeven av små bygder' (som Milton og Middleton). Mowbray er eit normannarnamn på ein tidleg føydalherre her, Robert de Mowbray.[3]
Historie[endre | endre wikiteksten]
Ein kjend episode frå historia til byen har gjeve opphav til eit uttrykk; I 1837, då eit jaktlag leia av markien av Waterford feira jaktlukka, måla den kraftig rusa markien bokstaveleg talt fleire bygningar i Melton Mowbray raude. Dermed vart «å måle byen raud» eit uttrykk for å feste skikkeleg.
St. Mary's Church frå 1200-talet er den største soknekyrkja i Leicestershire. Ho har eit flott orgel, og det vert halde orgelkonsertar to gonger kvar månad. Av tidlegare organistar i kyrkja finn ein sir Malcolm Sargent.
Bymuseet, Melton Carnegie Museum, har blant anna fleire måleri med jakt- og sportsmotiv, og ein tohovuda kalv.
Melton Country Park er eit stort turterreng med ein innsjø, nær sentrum. I tillegg til piknikstader, naturstiar og leikeområde for barn finst det eit vitjingssenter der det er utstilt arkeologiske funn frå området.
Kjelder[endre | endre wikiteksten]
- ↑ «City Population.». Citypopulation.de. Henta 26. januar 2021.
- ↑ Ltd, Iconography. «Stilton Cheese – The Stilton Producers». Stiltoncheese.co.uk. Arkivert frå originalen 17. decsmber 2016. Henta 25. mai 2016.
- ↑ «Plea Rolls of the Court of Common Pleas; National Archives; CP 40/555». Aalt.law.uh.edu. 1399. Henta 26. juni 2022. «sixth entry, the defendant is a shoemaker in 'Melton Moubray'»
- Denne artikkelen bygger på «Melton Mowbray» frå Wikipedia på bokmål, den 17. juli 2011.
