Metakarpofalangealledd

Frå Wikipedia – det frie oppslagsverket
Hopp til navigering Hopp til søk
Metakarpofalangealleddet (øvst) sett frå undersida (handflata). Volarplater mellom midtfalangane og ytterfalangane.

Metakarpofalangealledda (articulationes metacarpophalangeae), ofte forkorta til MCP-ledda, er dei ledda som koplar mellomhandsknoklane til falangane i fingrane. Dei dannar med andre ord fingerknokane mellom handa og fingrane. Desse eggledda blir forma ved at leddknokane i mellomhandsbeina fyller ut innoverkrumminga i den proksimale enden av grunnfalangane. Unnataket er grunnleddet i tommelfingeren, som er eit hengselledd.

Struktur[endre | endre wikiteksten]

Metakarpofalangealleddet sett frå innsida

Leddband[endre | endre wikiteksten]

Av leddband i fingrane finn ein volarplatene i interfalangeal- og metakarpofalangealledda og kollateralligamenta i metakarpofalangealledda.

Dorsale overflater[endre | endre wikiteksten]

Dei dorsale leddoverflatene er kledd med utvidingar av ekstensorsenene, i tillegg til noko laust bindevev som festar seg til dei djupe overflatene av senene i knoklane.

Funksjon[endre | endre wikiteksten]

Rørsle i desse ledda skjer gjennom fleksjon, ekstensjon, adduksjon, abduksjon og sirkumduksjon. Abduksjon og adduksjon er i stor grad avgrensa, og er umogeleg når fingrane er forma som ein knyttneve.

Musklane som styrer fleksjon og ekstensjon er:

Område Fleksjon Ekstensjon
fingrar flexor digitorum superficialis og profundus, lumbrikalar og interossar, og flexor digiti minimi brevis som støtter veslefingeren extensor digitorum communis, extensor indicis proprius, og extensor digiti minimi proprius
tommel flexor pollicis longus og brevis extensor pollicis longus og brevis

Klinisk relevans[endre | endre wikiteksten]

Leddbetennelse i metakarpofalangealleddet er eit kjenneteikn ved leddgikt, til skilnad frå osteoartritt, som kjenneteiknar dei ytre interfalangealledda.

Andre dyr[endre | endre wikiteksten]

Kodeledd er det tilstavarande leddet hjå mange firbeiningar, særleg hestar og hovdyr.

Kjelder[endre | endre wikiteksten]