Michael Des Barres

Frå Wikipedia – det frie oppslagsverket
Hopp til navigering Hopp til søk
Michael Des Barres
Michael Des Barres at the Chiller Theatre Expo 2017.jpg
Fødd24. januar 1948
FødestadLondon
OpphavStorbritannia
Aktiv1960–
Sjangerpop
Instrumentvokal
Verka somsinger-songwriter, songar, filmskodespelar
Gift medPamela Des Barres

Michael Philip Des Barres, Marquis Des Barres (fødd 24. januar 1948) er ein engelsk skodespelar og musikar. I Noreg er han mest kjend som karakteren Murdoc i TV-serien MacGyver. Des Barres har vore vokalist i glamrock-bandet Silverhead frå 1972 til 1974. Han danna bandet Detective saman med Michael Monarch i 1975. Des Barres fekk også opptre saman med bandet Power Station under Live Aid-konserten i Philadelphia i 1985.

Tidleg på 1990-talet vart Des Barres invitert av Roger Taylor, John Deacon og Brian May for å etterfølgje Freddie Mercury som hovudsongar i gruppa Queen. Des Barres takka nei, då han meinte at han sjølv ikkje var den rette typen til å erstatte Freddie Mercury.

Des Barres har spelt i fleire TV-seriar, mellom anna Frasier, Ellen, Nip/Tuck, Bones. Til saman har han spelt i over 30 filmar, og i over 100 TV-serie episodar.

Michael Des Barres og ekskona Pamela Des Barres har ein son, Nicholas Dean Des Barres (fødd 30. september 1978).