Michael Tetzschner

Michael Tetzschner
Michael Tetzschner på Høgre sitt landsmøte 2010. Foto: Kjetil Ree
Fødd	9. februar 1954 (70 år) København
Statsborgar av	Noreg
Parti	Høgre
Yrke	politikar, advokat
Utdanna ved	Det juridiske fakultetet ved Universitetet i Oslo
Ektefelle	Kristin Clemet
Barn	Jenny Clemet von Tetzschner
Verv	Byrådsleiar i Oslo 1989–1992
Føregangar	Hans Svelland
Etterfylgjar	Rune Gerhardsen
Verv	Leiar av Oslo Høgre 2006–2012
Føregangar	Heidi Larssen
Etterfylgjar	Nikolai E. Astrup
Verv	Stortingsrepresentant 2009–
Alle verv	stortingsrepresentant (2017–2021) Oslos byrådsleder (1989–1991) stortingsrepresentant (2009–2013) stortingsrepresentant (2013–2017) vararepresentant til Stortinget (2021–) stortingsrepresentant (fast møtande vararepresentant, 2021–2021)

Michael Christian von Tetzschner (fødd 9. februar 1954 i København) er ein norsk advokat og politikar (H). Han sat i Oslo bystyre frå 1975 til 1999. Tetzschner vart medlem av byrådet i 1986, og var byrådsleiar i Oslo frå 1989 til 1991. Han vart vald inn på Stortinget frå Oslo i 2009.

I 1995 trekte Tetzschner seg frå aktiv politisk deltaking, etter at han og Oslo Høgre hadde avvist byrådssamarbeid med Framstegspartiet. Etter mange års fråvær annonserte han i januar 2006 at han atter ville engasjere seg i politikken, og vart vald til leiar av Oslo Høgre 21. januar 2006, som etterfølgjar for Heidi Larssen. Gustav Heiberg Simonsen var motkandidat. I februar 2009 vann Tetzschner ei kampvotering mot Inge Lønning om tredjeplassen på Oslo Høgre si liste ved stortingsvalet i 2009. Plassen vart sett på som sikker, og ved stortingsvalet fekk også fjerdekandidat Nikolai E. Astrup stortingsplass.

Han er gift med Kristin Clemet, og dei har to barn. I tillegg har han to eldre søner med Berit Tetzschner. Som åtteåring vart han foreldrelaus og flytta frå København til besteforeldra på Smestad i Oslo. Tetzschner er onkel til Opera-grunnleggjar Jon Stephenson von Tetzchner (merk manglande s i etternamnet).

Stortingskomitear

• 2009–2013 medlem i Kommunal- og forvaltningskomiteen

Kjelder

• «Michael Tetzschner». Stortinget.no.