Mikalaj Statkjevitsj

Frå Wikipedia – det frie oppslagsverket
Hopp til navigering Hopp til søk
Mikalaj Statkjevitsj
Мікалай Віктаравіч Статкевіч
Mikalai Statkevich.JPG
Fødd12. august 1956 (65 år)
Ljadna
Statsborgar avSovjetunionen, Kviterussland
PartiDen kviterussiske sosialdemokratiske forsamlinga, Sovjetunionens kommunistiske parti, Det kviterussiske sosialdemokratiske partiet (Folkeforsamlinga)
Yrkepolitikar, militær
Utdanna vedRepublikken Kviterusslands militærakademi
Minsk Higher Air Defense Anti-aircraft Missile Academy
Andre namnkviterussisk Мікалай Віктаравіч Статкевіч, russisk Николай Викторович Статкевич, Nikolaj Viktorovitsj Statkjevitsj
EktefelleMaryna Adamovich

Mikalaj Viktaravitsj Statkjevitsj fødd 12. august 1956 i Ljadna i Minsk-provinsen) er ein kviterussisk politikar, politisk fange og leiar i Det kviterussiske sosialdemokratiske partiet (Folkeforsamlinga) (Bjelaruskaja satsyjal-demakratytsjnaja partyja (Narodnaja Hramada)). Statkjevitsj var kandidat ved presidentvalet i Kviterussland 2010.

Statkjevitsj fekk ei militær ingeniørutdanning i Minsk og gjorde teneste i det sovjetiske militæret i arktisk Russland. Han var medlem av Det sovjetiske kommunistpartiet, men melde seg ut i 1991 i protest mot bruken av militærmakt mot demonstrantar i Vilnius i Litauen. Han vart leiar av det sosialdemokratiske partiet i 1995. Etter at han var med å organisera demonstrasjonar mot valfusk i 2004, vart han dømd til tre års fengsel i 2005. Amnesty International adopterte han som samvitsfange i 2006. Han slapp ut av fengsel i 2007.

Statkjevitsj stilte som kandidat ved presidentvalet i Kviterussland 19. desember 2010. Ifølgje dei offisielle resultata kom han på åttande plass med 1,0 % av røystene, men valet vart ikkje rekna som fritt og rettferdig av internasjonale observatørar. Statkjevitsj vart arrestert etter å ha teke del i demonstrasjonar i Minsk mot måten valet vart gjennomført på same kvelden, saman med fem av dei andre presidentkandidatane, og tiltalt for å ha "forårsaka masseuro". Menneskerettsorganisasjonen Amnesty International rekna han som ein samvitsfange.[1] Under rettssaka mot han i mai 2011 hevda aktoratet at Statkjevitsj var hovudmannen bak demonstrasjonane etter valet, og skulda han for å ville storma regjeringsbygningen i Minsk.[2] Han vart dømt til seks års fengsel.

I januar 2012 vart soningstilhøva hans innskjerpa, då leiinga i straffekolonien meinte at han var «innstilt på å halda fram den kriminelle livsstilen sin». Ifølgje kona fekk han sleppa ut av cella éin time om dagen og får ta imot eitt besøk og éi pakke i året.

I august 2014 foreslo Statkjevitsj at opposisjonen burde samla seg bak éin presidentkandidat ved presidentvalet i 2015, noko som ikkje vart noko av.[3] Statkjevitsj vart lauslaten frå fengselet i 2015. Han var med på å organisera demonstrasjonar i samband med presidentvalet i 2015 og parlamentsvalet i 2016. I 2019 kunngjorde han at han ville stilla som kandidat ved presidentvalet i 2020, men kandidaturet hans vart ikkje godkjend av styresmaktene. I staden støtta han kandidaturet til Svjatlana Tsikhanowskaja og dreiv valkamp for henne. Han vart arrestert for dette under valkampen sommaren 2020.

Kjelder[endre | endre wikiteksten]

  • Denne artikkelen begynte med ei omsetjing av stoff frå Russisk Wikipedia den 18. mai 2011.

Fotnotar[endre | endre wikiteksten]