Mikkel Dobloug
| Mikkel Dobloug | |
| Statsborgarskap | Noreg |
| Fødd | 7. juli 1944 (79 år) |
| Yrke | kombinertløpar |
| Høgd | 185 centimeter |
Mikkel Dobloug (fødd 7. juli 1944) er ein tidlegare kombinertrennar frå Vang på Hedmark. Han vart noregsmeister i øvinga i 1966, og sigra i kombinert i Svenska skidspelen både i 1966 og -67. Dobloug representerte Vang Skiløperforening. Han fekk Kongepokalen i skiidrett i 1966.[1]
Aktiv[endre | endre wikiteksten]
Dobloug overraska stort i Lahti-spelen i 1964, der han vart nummer to etter landsmannen Arne Larsen. Bak seg på resultatlista hadde han mellom andre både Tormod Knutsen og Georg Thoma, ferske gull- og sølvvinnarar frå vinter-OL 1964 i Innsbruck. Sesongen etter vart det nye andreplassar på Dobloug, fyrst i noregsmeisterskapen der Larsen vart for sterk, og sidan i Holmenkollen der Dobloug slo Larsen med vel eitt poeng, og Georg Thoma vann rennet.
Dobloug vann kombinert i NM på ski i 1966. Same året vann han kombinertøvinga under Svenska skidspelen, ei bragd han gjentok året etterpå. Elles i 1967-sesongen vart han nummer to i noregsmeisterskapen, nummer tre i Lahti og nummer fire i Holmenkollen.
Han deltok i verdmeisterskapen i Oslo i 1966 og vart beste nordmann i kombinert med ein sjuandeplass. To år seinare var han på plass i Grenoble. Atter vart han beste nordmann i kombinertøvinga, men hamna på 21. plass i den olympiske tevlinga. Alle dei norske kombinertrennarane bomma fullstendig på smurninga i langrennet.
Dobloug slutta tevla i skiløypa og hoppbakken i 1970.
Besteplasseringar i internasjonale meisterskap og renn[endre | endre wikiteksten]
- 1964: Nr 2 i Lahti
- 1965: Nr 2 i Holmenkollen og nr 4 i Svenska Skidspelen i Falun
- 1966: Vinnar av Svenska skidspelen i Umeå
- 1967: Vinnar av Svenska skidspelen i Falun, nr 3 i Lahti og nr 4 i Holmenkollen
- 1968: Nr 3 i Svenska skidspelen i Falun, nr 5 i Lahti og nr 8 i Holmenkollen
- 1969: Nr 3 i Svenska skidspelen i Falun
Medaljar og besteplasseringar i noregsmeisterskap[endre | endre wikiteksten]
- Ski-NM 1964: Nr 6 på Voss
- Ski-NM 1965: Sølvmedalje på Fåberg
- Ski-NM 1966: Gullmedalje på Rena
- Ski-NM 1967: Sølvmedalje i Mo i Rana
- Ski-NM 1968: Sølvmedalje i Ørskog
- Ski-NM 1969: Sølvmedalje på Raufoss
- Ski-NM 1970: Nr 5 i Trondheim
Kjelder[endre | endre wikiteksten]
- Sportsboken, aktuelle årgangar
- (en) Mikkel Dobloug – Profil og resultatoversikt i olympiske konkurransar på sports-reference.com.
- ↑ «Kongepokaler NSF historisk oversikt» (PDF). Skiforbundet. Henta 1. januar 2017.