Miklós Németh

Frå Wikipedia – det frie oppslagsverket
Miklós Németh
Statsborgarskap Ungarn
Fødd 23. oktober 1946 (77 år)
Budapest
Yrke spydkastar, friidrettsutøvar
Høgd 193 centimeter
Far Imre Németh

Miklós Németh (fødd 23. oktober 1946) er ein ungarsk, tidlegare friidrettsutøvar frå Budapest som tevla i spydkast. Han vart olympiameister i spydkast i 1976. Imre Németh, OL-vinnar i sleggjekast frå OL 1948, var far hans.

Aktiv[endre | endre wikiteksten]

Németh synte stort talent for spydkast i ung alder, og allereie som junior kom han på femteplassen i øvinga under europameisterskapen i 1966. Året etter kasta han spydet 87,20 m, eitt av dei aller lengste kasta i verda den sesongen. I OL-året 1968 makta han berre 81,58 m som best, og klarte heller ikkje å kvalifisere seg til finalen under OL 1968 i Mexico. Fire år seinare, under OL 1972 i München kom han på sjuande plass med 81,98 m. Sjuandeplass fekk han også under EM 1974.

I sitt tredje OL, Montreal 1976, kvalifiserte Németh seg til finalen med eit kast på heile 89,28 m. I finalen, 26. juli 1976, slo han knockout på konkurrentane i sitt fyrste kast ved å sette ny verdsrekord med 94,58 m. Dermed vann han suverent med over seks meters margin til nummer to, finske Hannu Siitonen.

Németh deltok også under OL 1980 i Moskva, der han vart nummer åtte med 82,40 m.

Han vart ungarsk meister i spydkast fire gongar; 1973, 1980-81 og 1983, vann elles åtte sølvmedaljar og tre bronsemedaljar i nasjonale meisterskap i tida 1965-83.

Medaljar og plasseringar i internasjonale meisterskap[endre | endre wikiteksten]

Kjelder[endre | endre wikiteksten]