Million Wolde

Frå Wikipedia – det frie oppslagsverket
Hopp til navigering Hopp til søk
Million Wolde
Statsborgarskap Etiopia
Fødd 17. mars 1979
Addis Abeba
Idrett friidrett
Yrke langdistanseløpar, friidrettsutøvar

Million Wolde (fødd 17. mars 1979) er ein etiopisk tidlegare friidrettsutøvar som vart olympisk meister på 5 000 meter i 2000 og VM-sølv på same distansen i 2001.

Aktiv[endre | endre wikiteksten]

I 1998 vart Wolde juniorverdsmeister på 5 000 meter i Annecy i Frankrike og i 8 km terrengløp i Cape Town i Sør-Afrika. Han sette i august sin endelege personlege rekord på 5 000 m med tida 12.59,3 i eit stemne i Zürich. Året etter vart han åttandemann på 5 000-meteren i Friidretts-VM 1999 i Sevilla.

Høgdepunktet i Wolde si karriere kom under sommarleikane 2000 i Sydney. 5 000-meterløpet gjekk for ein stor del i eit moderat tempo, så då Wolde stakk i tet på 200 m før i mål greidde han lett halde unna for resten av feltet og tok gullet på tida 13.35,4, eit lite sekund framom sølvvinnar Ali Saïdi-Sief frå Algerie og Brahim Lahlafi frå Marokko på bronseplass.

Ved verdsmeisterskapen 2001 i Edmonton i Canada var Wolde ute av stand til å fylgje Richard Limo, då den unge kenyanaren avslutta med ei råsterk sisterunde på 5 000-meteren. Wolde hadde derimot ingen vanskar med å sikre seg sølvmedaljen i tvelinga.

Sidan var Wolde skadeplaga og fekk ikkje fleire meisterskapsoppgåver for Etiopia, men var likevel aktiv i mange år.

Medaljar og plasseringar i internasjonale meisterskap[endre | endre wikiteksten]

  • VM 1997 i Aten: Utslått i forsøka på 3 000 m hinder (8.32,7 =nr 26)
  • VM 1999 i Sevilla: Nr 8 på 5 000 m – 13.20,8
  • OL 2000 i Sydney: Gullmedalje på 5 000 m – 13.35,4, framom Ali Saïdi-Sief (13.36,2)
  • VM 2001 i Edmonton: Sølvmedalje på 5 000 m – 13.03,4, bakom Richard Limo (13.00,7)

Kjelder[endre | endre wikiteksten]