Miye ou Miye

Miye ou Miye
المية ومية
by
Land	Libanon
guvernement	Sør guvernement
Distrikt	Sidon distrikt
Høgd	29−208 moh.
Koordinatar	33°32′31″N 35°23′52″E
Areal	2,3 km²
Tidssone	EET (UTC+2)
Retningsnummer	7
Miye ou Miye 33°32′31″ N 35°23′52″ E
Wikimedia Commons: Mieh Mieh

Miye ou Miye (arabisk المية ومية) er ein landsby i Sør-Libanon, 5 km aust for [Sidon]] og 45 km sør for hovudstaden Beirut med utsyn over Middelhavet. Landsbyen ligg i ei høgd 156 meter over havet og dekkjer 2,3 kvadratkilometer. Landsbyen grensar til Qraiyeh og Ain El Delb i i aust, Sidon i vest, Haret Saida i nord og Darb es Sim og Zaghdraiya i sør.

Den fønikiske grotta i Miye ou Miye.

Før borgarkrigen i 1985 var det kring 5000 innbyggjarar i landsbyen. Kring halvparten av desse emigrerte til vestlege land, medan ein fjerdedel flytta inn til Beirut. Resten vart verande att i Miye ou Miye. Innbyggjarane er hovudsakleg romersk-katolske (85 %), med nokre få maronittar (7 %), protestantar (6 %) og baptistar (2%).

Historie

På 1600-talet var Miye ou Miye hovudsakleg jordbruksland eigd av rikefamiliar. På 1700-talet byrja kristne å flytte til landsbyen. I 1985 spreidde den libanesiske borgarkrigen seg til Sør-Libanon, og landsbybuarane flykta til tryggare område lenger sør, medan andre reiste til hovudstaden. Frå der reiste mange til utlandet.

Klima

Miye ou Miye har eit temperert og typisk middelhavsklima med varme, tørre somrar, og våte, kjølige vintrar. Sommaren varer frå juni til september, med dei høgaste temperaturane i juli og august. På det varmaste når temperaturen i snitt 31 ºC, og stundom høgare i heitebølgjer. Vinteren finn stad frå desember til mars, og i denne peridoen kjem det meste av regnet som kjem her i løpet av eitt år. Temperaturen fell sjeldan under 11 ºC om vinteren.

Miye ou Miye opplever shlūqvindar (òg kalla sjirokko i Europa og Khamaseen i Nord-Afrika). Desse vindane er mest vanlege om hausten og våren. Shlūqvindane fører med seg raudt støv frå Sahara.

Klimadata for Miye ou Miye i Libanon
Månad	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Normal maks. temp. °C	17	18	20	23	26	28	30	31	30	28	23	19	24,4
Normal min. temp. °C	11	11	13	15	18	22	24	25	24	21	16	13	11
Nedbør (mm)	133	114	62	25	13	1	0	3	5	47	94	128
Normal mengd nedbørdagar (≥ 0.25 mm)	14	11	10	6	3	0	0	0	2	6	9	13	74
Kjelde: World Weather Online,

Kjelder

• Denne artikkelen bygger på «Miye ou Miye» frå Wikipedia på engelsk, den 25. september 2014.
  • Wikipedia på engelsk oppgav desse kjeldene: