Mjellem & Karlsen Verft

Mjellem & Karlsen Verft var eit skipsverft i Bergen, skipa i 1891 av maskinistane Frantz Olav Mjellem og Ole H. Karlsen i strøket Møhlenpris ved Puddefjorden. I 1894 overtok dei Møhlenpris Mekaniske Verksted ved Damsgårdssundet. Karlsen forlet bedrifta i 1909, som så vart omdanna til aksjeselskap med Christian Michelsen og Christopher Kahrs som aksjonærar. Då Mjellem døydde tok sonen Eilert Mjellem over leiinga i 1961, etterfølgd av sonen Frantz Mjellem til 1984.

Verftet spesialiserte seg på bygging av mindre dampskip av jern, og hadde også serviceverkstad. I 1958 sjøsette det havforskingsfartøyet «Johan Hjort» og i 1962 overtok dei Marineholmen. Ein tørrdokk vart teke i bruk i 1966 og ein flytedokk for vedlikehald av ubåtar i 1971. Det meste av verksemda føregjekk utandørs til skipsbyggarhallen vart reist i 1973. I tillegg vart det bygd ein maskinverkstad i 1983. Sidan 1985/1986 hadde Helge Stokke (Svein Hatvik A/S) og Gerda og Eilert Mjellem nær 50 % av aksjane kva, og Marineholmen A/S vart utskilt.

I 1991 kjøpte Mjellem & Karlsen BMV Laksevåg frå Ulsteingruppen. Verftet leverte spesialskip til fleire land. Føretaket gjekk til skifteretten i 2002, fem veker etter at det var kjøpt opp av investoren Carl Fredrik Seim. Restane vart kjøpt av eit nyoppretta Bergen Mekaniske Verksted AS, som seinare endra namn til Bergen Group BMV. På det gamle verftsområdet ved Thormøhlensgate har VilVite-senteret teke over maskinverkstadshallen. Resten av verftsområdet er planlagd nytt til ein nærings- og forskingspark.

Skip bygde ved Mjellem & Karlsen Verft

Denne lista er diverre ufullstendig. Om du veit meir, kan du hjelpe Wikipedia ved å utvide henne.

Nr.	Overlevert	Namn	Type	Tonnasje	Reiarlag	Heimehamn	IMO-nummer	Anna
	1897	DS «Hemnæs»		32 brt	Gustav Pleym	Hemnæs		Forlist 1914
44	1912	DS «Tyssedal»	Godsrutebåt	225 brt	Hardanger Søndhordlandske Dampskibsselskab	Bergen		Forlist 1977
49	1913	DS «Nordmanden»		153 brt	Johan E. Hareide	Bergen
51	1914	DS «Nordalsfjord»	Lokalrutebåt	295 brt	Søndmøre Dampskibsselskab	Ålesund		Opphoggen 1955
53	1914	DS «Haus»	Lokalrutebåt	135 brt	Indre Nordhordlands Dampskibsselskab	Bergen		Ombygd til fraktefartøy 1959. Senka 1984
61	1929	DS «Aalvik»	Lokalrutebåt	245 brt	Hardanger Sunnhordlandske Dampskipsselskap	Bergen		Ombygd til fraktefartøy 1962. Sokk i opplag 1983.
62	1930	MS «Tysnes»	Lokalrutebåt	75 brt	Hardanger Sunnhordlandske Dampskipsselskap	Bergen		Under restaurering som veteranbåt
63	1931	MS «Granvin»	Lokalrutebåt	115 brt	Hardanger Sunnhordlandske Dampskipsselskap	Bergen	5135159	Aktiv som veteranbåt. Freda
66	1937	MS «Hordaland»	Lokalrutebåt	292 brt	Hardanger Sunnhordlandske Dampskipsselskap	Bergen	5154923	Forlist 1978
69	1949	MS «Bremnes»	Lokalrutebåt	238 brt	Hardanger Sunnhordlandske Dampskipsselskap	Bergen	5051391	Seld til utlandet 1978
70	1950	MS «Kvinnherad»	Lokalrutebåt	498 brt	Hardanger Sunnhordlandske Dampskipsselskap	Bergen	5367219	Aktiv som flytande hotell i Stockholm
77	1955	MF «Kleppestø»	Bilferje	292 brt	Rutelaget Askøy-Bergen A/S	Bergen	6716819	Aktiv som charterbåt
114	1973	MF «Ulvik»	Bilferje	488 brt	Hardanger Sunnhordlandske Dampskipsselskap	Bergen	7303267	Aktiv
116	1973	MF «Jondal»	Bilferje	740 brt	Hardanger Sunnhordlandske Dampskipsselskap	Bergen	7368839	Aktiv
117	1975	MF «Stryn»	Bilferje	497 brt	Fylkesbaatane i Sogn og Fjordane	Bergen	7405936	Aktiv
125	1979	MF «Askøy»	Bilferje	1 241 brt	Rutelaget Askøy-Bergen A/S	Bergen	7805124	Aktiv
128	1979	MF «Michael Sars»	Fiskefartøy	690 brt	Havforskingsinstituttet	Mariehamn	7805136	Aktiv som Skuleskip
135	1985	MF «Herdla»	Bilferje	1 974 brt	Rutelaget Askøy-Bergen A/S	Bergen	8412261	Aktiv

Kjelder

Gunnar Hagen Hartvedt (2003). Bergen Byleksikon (4 utg.). Oslo: Kunnskapsforlaget. ISBN 82-573-1036-0.