Mo Tae-bum

Mo Tae-bum
Statsborgarskap	Sør-Korea
Fødd	15. februar 1989 (37 år) Seoul
Idrett	lengdeløp på skeiser
Tok del i	Vinter-OL 2014, Hurtigløp på skøyter under Vinter-OL 2010 – 500 meter herrer, Hurtigløp på skøyter under Vinter-OL 2010 – 1000 meter herrer

Mo Tae-bum (fødd 15. februar 1989) er ein sørkoreansk tidlegare skeiserennar frå Seoul. Han vart olympisk meister på 500 meter i 2010.

Aktiv

Mo overraska ved å vinne gullmedaljen på 500 meter under Vinter-OL 2010 i Vancouver. Han låg med tida 34,92 sekund på andreplass etter det første løpet. I det andre løpet fekk han notert 34,90 og sikra seg med det fyrsteplassen totalt med ein margin på 0,16 sekund til japanske Keiichiro Nagashima. To dagar etter kom Mo i mål til sølvmedalje på 1000 meter på tida 1.09,12, slått av Shani Davis med 0,18 sekund. Deretter vart han nummer fem på den olympiske 1500-meteren.

Året etter vart Mo andremann i Skeise-VM 2011 i sprintfirkamp i Heerenveen, 0,110 poeng bak landsmannen Lee Kyu-hyuk. Eitt år seinare enda Mo på tredjeplassen ved sprint-verdsmeisterskapen i Calgary. Sist i 2012-sesongen vann han 500 meter i VM enkeltdistansar. I 2013 forsvarte han i Sotsji VM-tittelen på 500 m og tok sølv på 1000 m.

Kjelder

• Denne artikkelen bygger på «Mo Tae-bum» frå Wikipedia på engelsk, den 16. februar 2026.