Molfetta
| Molfetta | |||
|---|---|---|---|
 | |||
| |||
| Plassering | |||
  | |||
| Styresmakter | |||
| Land Region Provins |
 Italia Puglia Bari | ||
| Borgarmeister | Antonio Azzollini | ||
| Geografi | |||
| Flatevidd - By |
58,26 km² | ||
| Innbyggjarar - Totalt (2005) - folketettleik |
61 184 1061/km² | ||
| Koordinatar | 41°12′N 16°36′E / 41.200°N 16.600°E | ||
| Høgd over havet | 18 m | ||
| Diverse annan informasjon | |||
| Postnummer | 70056 | ||
| Telefon-retningsnummer | 080 | ||
| Nettstad: www.comune.molfetta.ba.it | |||
Molfetta er ein by i provinsen Bari i regionen Puglia i Italia. Han ligg ved Adriahavet, om lag 24 km nordvest for Bari, og har om lag 60 000 innbyggjarar.
Historie[endre | endre wikiteksten]
Opphavet til byen kan sporast tilbake til ein liten fiskelandsby på 300-talet fvt., men han vart først nemnd i skriftlege kjelder i november 925. Byen utvikla seg under Austromarriket og vart seinare erobra av langobardar, som gjorde han ein del av Hertugdømet Benevento. Byen slo tilbake mange åtak frå sarasenarar. Som ein sjølvstendig hamneby gjorde Molfetta handel med andre byar rundt Middelhavet, som Venezia, Alexandria, Konstantinopel, Syria, Amalfi og Dubrovnik.
På byrjinga av 1000-talet kom normannarane til området og byen fekk halde på sjølvstyre sitt, noko som utvikla staden som ei hamn for handel og som ein stad der pilegrimar ofte gjekk om bord på veg til Det heilage landet. Av dei mange pilegrimane som reiste gjennom byen var Konrad av Bayern (ca. 1105-1154), som på veg tilbake frå pilegrimsreisa si slo seg ned her som eremitt. Han vart æra som San Corrado etter han døydde, og er i dag vernehelgenen til Molfetta.
Under angevinarstyret av byen klarte han å halde på sjølvstyre sitt, men då Aragon slo seg ned i Sør-Italia vart det stadige stridar mellom franskmenn, spanjolar og italienarar. Desse krigane førte til død og øydelegging i store delar av Sør-Italia. Plyndringa av Molfetta av franskmennene i juli 1529 var ei hending som stoppa den økonomiske utviklinga i byen.
Dei fleste bygningane i Molfetta er moderne, men den gamle domkyrkja i byen Duomo Vecchio i romansk-apulisk stil er frå 1100-1200-talet.[1]
Kjelder[endre | endre wikiteksten]
- ↑ «Molfetta | Italy», Encyclopedia Britannica (på engelsk), henta 12. mai 2019
- Denne artikkelen bygger på «Molfetta» frå Wikipedia på engelsk, den 3. januar 2008.