Morgonsong

Frå Wikipedia – det frie oppslagsverket
(Omdirigert frå Morgensang)

Morgonsong, ottesong (norrønt óttusǫngr) eller laudes, latin for 'lovprisingar', er ei av morgonens tidebøner, eller ei gudsteneste halden om morgonen.[1]

Den katolske tidebøna har namnet laudes. Tidebøna har namn etter opningsorda i salmane 148-150,[2] som opnar med orda Lovsyng Herren. [3] I den katolske kyrkja er laudes og vesper dei viktigaste tidebønene.

I Den norske kyrkja blir det halde ottesong på førstedagane i dei store høgtidene i visse kyrkjelydar, særleg i byane. Gudstenesta består av ein forkorta høgmesseliturgi.[4]

Liturgi[endre | endre wikiteksten]

I den katolske kyrkja vert laudes lesen på latin. Morgonsongen har i norsk form fått plass i Gudstenestebok for den norske kyrkja.[5] Liturgien for morgonsongen inneheld følgjande ledd:

  1. Innleiing
  2. Morgonsalme
  3. Bibelske salmar – ein, to eller tre bibelske salmar; anten frå Salmane eller ein annan bibelsk salme i bunden form
  4. Tekstlesing
  5. Preike eller tekstmeditasjon
  6. Sakarjas lovsong (Benedictus) – dette leddet er høgdepunktet i laudes
  7. Bøn
  8. Herrens bøn
  9. Slutningssalme
  10. Avslutning – lovprising, velsigning og eventuelt postludium.

Referansar[endre | endre wikiteksten]

  1. «ottesong» i Nynorskordboka.
  2. Cappelens musikkleksikon (1980) ISBN 82-02-03690-9
  3. Salme 148,1
  4. «Ottesang.», Store norske leksikon, 14. februar 2009 
  5. Gudstenestebok for Den norske kyrkja del I Gudstenester ISBN 82-543-0507-2