Morten Næss

Frå Wikipedia – det frie oppslagsverket
Hopp til navigering Hopp til søk
Morten Næss
Statsborgarskap Noreg
Fødd 29. juni 1967 (54 år)

Morten Næss (fødd 29. juni 1967) er ein norsk tidlegare friidrettsutøvar frå Lia i Grimstad. Åra 1990-93 vart han noregsmeister i lengdehopp, i 1990-91 også norsk meister i tresteghopp.

Næss vart i 1990 norsk dobbeltmeister i lengde- og tresteghopp, ein prestasjon han gjentok i 1991. Sommaren 1991 var han i sitt livs beste form. Den 30. mai på Jessheim hoppa han 7,81 meter i lengde. Vel to månader seinare sette han personleg rekord også i tresteg, den 3. august på Fana stadion i Bergen nådde han 16,05 meter. I NM 1992 og NM 1993 vart han norsk lengde-meister for tredje og fjerde gong i rad. Perioden 1989-96 sanka Næss seks NM-medaljar i lengdehopp og sju i tresteghopp.

Han var medlem 1985-93 i Sørild FIK og 1994-97 i IK Tjalve.

Kjelder[endre | endre wikiteksten]