Mulde

Frå Wikipedia – det frie oppslagsverket
Gå til: navigering, søk
Mulde
elv
none  Mulde nær Bad Düben.
Mulde nær Bad Düben.
Land Tyskland Tyskland
Lengd 124 km (290 km inkludert Zwickauer Mulde) km
Kjelde Zwickauer Mulde og Freiberger Mulde
Munning Elbe
Wikimedia Commons: Mulde

Mulde er ei elv i Sachsen og Sachsen-Anhalt i Tyskland og ei av sideelvane til Elbe frå venstre med ei lengd på 124 km. Ho har sitt utspring nær Colditz, der elvane Zwickauer Mulde (som kjem frå Zwickau) og Freiberger Mulde (med Freiberg langs breidda) renn i saman. Begge desse har sine utspring i Erzgebirge. Frå her renn elva nordover gjennom Sachsen (Grimma, Wurzen, Eilenburg, Bad Düben) og Sachsen-Anhalt (Jeßnitz og Dessau, den gamle hovudstaden i Anhalt). Mulde munnar ut i Elbe 3 km nord for Dessau.

I august 2002 førte ein flaum til store øydeleggingar, som truga verdsarvstaden «Dessau-Wörlitzer Gartenreich» og byen Dessau. Særleg byane Döbeln og Grimma vart hardt råka.

Namnet kan kanskje kome frå det gamaltyske (mogelegens gotisk) «Mulda», som tyder «støv», og som er i slekt med det norske ordet mold. Meir sannsynleg kjem det frå det tyske ordet «mahlen», som tyder «å kverne». Derfor tyder Mulde sannsynlegvis «den kvernande elva» etter dei mange vasskvernene som låg langs elva i eldre tider. I dag ligg det vasskraftverk langs elva.

Bakgrunnsstoff[endre | endre wikiteksten]

Commons-logo.svg Wikimedia Commons har multimedia som gjeld: Mulde

Kjelde[endre | endre wikiteksten]