Myrflangre

Frå Wikipedia – det frie oppslagsverket
Hopp til navigering Hopp til søk
Myrflangre

Status i verda: LC Livskraftig
Status i Noreg: EN Sterkt truga

Epipactis palustris 240607a.jpg

Systematikk
Rike: Planteriket
Klasse: Einfrøblada
Orden: Aspargesordenen
Familie: Orkidéfamilien
Slekt: Epipactis
Art: E. palustris
Vitskapleg namn
Epipactis palustris
(Linné) Crantz
Økologi
Habitat: kalkrik myr
Utbreiing: Europa, nordvest-Afrika, Kaukasus, vest-Sibir

Myrflangre (Epipactis palustris) er ei planteflangreslekta Epipactisorkidéfamilien (marihandfamilien) Orchidaceae.[1][2]

Utsjånad[endre | endre wikiteksten]

Myrflangre
Nærbilde av blomane (Epipactis palustris var. ochroleuca)

Denne orkidéen har ein heilt spesiell utsjånad, med store kvite blomstrar og ei grasiøs utforming har blant anna botanikaren Axel Blytt rekna han for å vera den vakraste blomeen i Noreg. Han blir ikkje så høg, rundt 40 centimeter, men han er slank og har lange, smale blad.

Blomstrane til myrflangre er kvite, store og sit i aks på rundt ti blomstrar. Samla gjer dei eit stort inntrykk. Myrflangre har jordstenglar.

Utbreiing[endre | endre wikiteksten]

Ein finn han i Europa, nordvest-Afrika, Kaukasus og vest-Sibir

Førekomstar i Noreg[endre | endre wikiteksten]

Myrflangre er knytt til kalkrik (alkalisk) myr, samtidig som han er varmekjær. Svært mykje kalkrik myr har blitt dyrka opp, og det har ført til at myrflangre har blitt utrydda mange stader. Arten har nå få veksestader igjen i Noreg. Ein berømt veksestad der han framleis finst er Slåttemyra i Nittedal kommune i Akershus fylke.

Arten veks nå rundt Oslofjorden og i Rogaland.[3] Sidan habitatet til arten framleis er truga, er myrflangre totalfreda i Noreg.[4] Myrflangre er også raudlista som sterkt truga (EN).[5]

Arten finst òg i Sverige (LC) (svensk namn: «kärrknipprot»),[6] i Danmark (NT) (dansk namn: «sump-hullæbe»)[7] og i Finland (EN) (finsk namn: «suoneidonvaippa»).[8]

Myrflangre (engelsk namn: «marsh helleborine») veks spreidde stader i England, Wales, Skottland og Irland. I både den britiske og den irske raudlista har arten status som livskraftig (LC).[9][10] Lokalt er han nær truga (NT) i England,[11] men livskraftig (LC) i Skottland og Wales.[12][13]

Referansar[endre | endre wikiteksten]

  1. «Artsdatabanken: Artsopplysningar myrflangre». Artsdatabanken. Henta 4. mars 2022. 
  2. «Artsdatabanken: Namnetre myrflangre». Artsdatabanken. Henta 4. mars 2022. 
  3. «Artskart: Myrflangre, registrerte funn etter 2010». Artsdatabanken. Henta 4. mars 2022. 
  4. «Forskrift om fredning av truede arter». Lovdata. 21. desember 2001. Henta 4. mars 2022. 
  5. «Raudlista: Myrflangre». Artsdatabanken. 24. november 2021. Henta 4. mars 2022. 
  6. «Artfakta: Epipactis palustris kärrknipprot». Artdatabanken. Henta 7. mars 2022. 
  7. «Naturbasen: Sump-Hullæbe Epipactis palustris». Naturbasen. Henta 7. mars 2022. 
  8. «LAJI: Epipactis palustris». LAJI.FI. Henta 7. mars 2022. 
  9. «GB Red List for vascular plants (revised Feb 2021)». Botanical Society of Britain & Ireland. 2021. Henta 9. mars 2022. 
  10. «Ireland Red List No. 10: Vascular Plants» (PDF). National Parks & Wildlife Service. 2016. Henta 9. mars 2022. 
  11. «A Vascular Plant Red List for England» (PDF). Botanical Society of Britain & Ireland. 2014. Henta 9. mars 2022. 
  12. «Scottish Biodiversity List». Scotland's Nature Agency / Buidheann Nàdair na h-Alba. 2020. Henta 9. mars 2022. 
  13. «A Vascular Plant Red Data List for Wales / Rhestr o Blanhigion Fasgwlaidd Data Coch ar gyfer Cymru» (PDF). Plantlife Wales. 2008. Henta 9. mars 2022. 

Bakgrunnsstoff[endre | endre wikiteksten]