NLA Høgskolen
| NLA Høgskolen | |||
| Motto | – fordi noen trenger deg | ||
|---|---|---|---|
| Grunnlagt | 1968 | ||
| Rektor | Sigbjørn Sødal | ||
| Stad | Bergen, Kristiansand, Oslo, Stavanger, Trondheim | ||
| Studentar | 3331[1] | ||
| Tilsette | 300 | ||
| Medlemskap | Universitets- og høgskolerådet | ||
| Org.nummer | 995189186 | ||
| Nettstad | https://nla.no (norsk), https://nla.no/en (engelsk) | ||
 NLA Høgskolen 60°24′30″N 5°19′32″E / 60.408443°N 5.325526°E | |||
NLA Høgskolen er ein privat kristen høgskule[2] i Noreg akkreditert av NOKUT. Høgskulen har rundt 3 300 studentar[3] og 300 medarbeidarar fordelt på fire campus i tre byar, to i Bergen, ein i Sandviken og den andre på Kalfaret, Gimlekollen i Kristiansand og Staffeldtsgate i Oslo. Høgskulen tilbyr òg bachelorstudium på to regionale studiesenter, eit med teologiutdanning i Trondheim og det andre med økonomiutdanning i Stavanger.[4]
Studietilbod
[endre | endre wikiteksten]NLA Høgskolen tilbyr femårige integrerte masterprogram i grunnskulelærarutdanning og bachelorprogram i barnehagelærarutdanning i både Bergen og Oslo. I Bergen tilbyr høgskulen òg bachelorgrad i pedagogikk, og mastergrader i barnehagekunnskap, pedagogikk, spesialpedagogikk og pedagogisk leiarskap.
I Bergen kan studentane ta mastergrad i teologi, ei profesjonsutdanning for prestar i Den norske kyrkja, og ein engelskspråkleg mastergrad i «Theology and Ministry».[5] Bachelorgrad i teologi vert tilbydd i Bergen, Oslo, Kristiansand og Trondheim, kvar med sin eigen akademiske profil.
Under namnet Hauge School of Management (HSM) tilbyr NLA Høgskolen to bachelorprogram i økonomi i Oslo, Bergen, Kristiansand og Stavanger. Frå 2026 tilbyr HSM òg ein mastergrad i leiing av ansvarleg innovasjon og entreprenørskap i Oslo. Hauge School of Management er oppkalla etter Hans Nielsen Hauge.[6]
NLA Høgskolen i Oslo (Staffeldts) tilbyr ein mastergrad i utøvande rytmisk musikk, og bachelorgradsstudier i utøvande rytmisk musikk og i musikkskaping med låtskriving, produksjon og live. Eit eige fireårig bachelorløp fører til to bachelorgradar, ein i utøvande musikk og ein i «musikk, menighet og ledelse». På Staffelds kan også studentar med musikkutdanning byggje på med praktisk-pedagogisk utdanning for å kvalifisere seg til arbeid som musikklærarar.
Interkulturelle studiar er tilgjengeleg med bachelorprogram i Bergen, Kristiansand og som nettstudium, i tillegg til ein mastergrad i Bergen. I Kristiansand tilbyr høgskulen òg bachelorgrader i journalistikk og i innhaldsproduksjon, og ein engelskspråkleg mastergrad i «Global Journalism».[7]
I tillegg til dei gradsgivande studieprogramma tilbyr NLA Høgskolen årsstudiar, vidareutdanning[8] og nettstudiar[9] innanfor alle fagområda. Høgskulen tilbyr òg emne i økonomi og administrasjon for ukrainske flyktningar med ukrainsk som undervisningsspråk.[10] For internasjonale utvekslingsstudentar er det tilgjengeleg åtte ulike semesterprogram på bachelor-nivå, som alle blir undervist på engelsk.[11]
I 2025 søkte NLA høgskolen om akkreditering av eit nytt doktorgradsprogram i sosialt ansvar og danning.[12]
Historie
[endre | endre wikiteksten]Norsk Lærerakademi byrja med studiar i kristendomskunnskap i Bergen i september 1968 og utvida med studiar i pedagogikk frå 1977.[13][14] Akademiet blei akkreditert som høgskole i 2006. I 1995 blei NLA Lærerhøgskolen etablert som ei sjølvstendig eining med lærarutdanning på Breistein i Åsane bydel nord i Bergen kommune, og frå 2005 blei lærarhøgskulen utvida med utdanning for førskulelærarar. I 2010 blei dei to einingane fusjonert, og i 2013 blei Høgskolen i Staffeldtsgate i Oslo og Mediehøgskolen Gimlekollen i Kristiansand innlemma i NLA Høgskolen.[14] Frå hausten 2013 kom Hauge School of Management til som ei verdibasert økonomiutdanning med utgangspunkt i Staffeldtsgate.
Januar 2024 flytta lærarutdanningane frå Breistein til ein ny campus på Kalfaret i Bergen sentrum, i dei historiske lokala til Pleiestiftelsen for spedalske nr.1.[15] Hausten 2024 etablerte NLA Høgskolen eit regionalt studiesenter i Trondheim i lokala til bibelskolen Gå ut-senteret, der NLA tilbyr studiar i teologi og praktisk teologi.[16] I 2025 utvida NLA Høgskolen Hauge School of Management si verksemd med eit regionalt studiesenter i lokala til Solborg folkehøgskole i Stavanger.[17]
Eigarar og leiing
[endre | endre wikiteksten]NLA Høgskolen er eigd av sju lavkyrkjelege lutherske kristne organisasjonar:
- Normisjon
- Det Norske Misjonsselskap
- Indremisjonsforbundet
- Norges Kristelige Student- og Skoleungdomslag
- Norsk Luthersk Misjonssamband
- Søndagsskolen Norge
- Den evangelisk-lutherske frikyrkja
Eigarane møter årleg til generalforsamling. Generalforsamlinga er det øvste organet til høgskulen, og ansvarleg for å velje styret. NLA har tilsett rektor.
Kjelder
[endre | endre wikiteksten]- ↑ «Database for statistikk om høgre utdanning: Nøkkeltall». 2025.
- ↑ «Særpreg og historie» (på norsk). NLA Høgskolen. Henta 4. april 2026.
- ↑ «Database for statistikk om høyere utdanning - DBH». dbh.hkdir.no. Henta 28. mars 2026.
- ↑ «Våre studiesteder» (på norsk). NLA Høgskolen. Henta 4. april 2026.
- ↑ «Theology and ministry». NLA (på norsk). Henta 28. mars 2026.
- ↑ Støbakk, Nils-Ove (22. april 2013), «(+) NLA-jubel for «kristne» økonomistudier», www.dagen.no (på norsk bokmål), henta 4. april 2026
- ↑ «Global journalism». NLA (på norsk). Henta 28. mars 2026.
- ↑ «Videreutdanning». NLA (på norsk). Henta 28. mars 2026.
- ↑ «Ta et nettstudium på NLA Høgskolen!». NLA (på norsk). Henta 28. mars 2026.
- ↑ «Studies for Ukrainian refugees». NLA. Henta 28. mars 2026.
- ↑ «Exchange and Study Abroad students». NLA. Henta 28. mars 2026.
- ↑ «Ph.d. i sosialt ansvar og danning». NLA (på norsk). Henta 28. mars 2026.
- ↑ Hansen, Tor Ivar. «Norsk Lærerakademi». snl.no. Store norske leksikon. Henta July 27, 2017.
- 1 2 Helland, Kristian; Jøssang, Lars Gaute (2018). Frå akademi til høgskule: NLA 1968-2018 [From Academy to University College: NLA 1968–2018] (på norsk). Bergen: Fagbokforlaget. ISBN 9788245024173.
- ↑ Rønningen, Brit, «NLA fra fjordgløtt til historisk sentrumseiendom», Sambåndet (på norsk bokmål), henta 4. april 2026
- ↑ Rønningen, Brit. «NLA etablerer studiesenter i Trondheim». Sambåndet (på norsk bokmål). Henta 28. mars 2026.
- ↑ Rønningen, Brit. «NLA på plass i fem byer». Sambåndet (på norsk bokmål). Henta 28. mars 2026.
- Denne artikkelen bygger på «NLA University College» frå Wikipedia på engelsk, den 4. april 2026.
