NORCE
| NORCE | |||
 | |||
| Org.form | Aksjeselskap | ||
|---|---|---|---|
| Org.nr. | 919408049[1] | ||
| Bransje | Forsking | ||
| Skipa | 3. juli 2017 | ||
| Morselskap | Universitetet i Bergen | ||
| Hovudkontor | Bergen | ||
| Land | Noreg | ||
| Grunnleggjar(ar) | Universitetet i Bergen, Universitetet i Stavanger, Universitetet i Agder | ||
| Nettstad | https://www.norceresearch.no/ (norsk) | ||
NORCE Norwegian Research Centre AS er eit norsk forskingsinstitutt som driv med grunnforsking og anvend forsking innan miljø og naturressursar, klimaendringar, olje, gass og fornybar energi, teknologi, særleg maritim teknologi og satellitteknologi, helse og samfunn. Dei største eigarane i NORCE er Universitetet i Bergen med 51,9 % og Stavanger Research Holding AS med 31,5 % av aksjane.[2] Stavanger Research Holding AS er eigd 50/50 av Universitetet i Stavanger og Stiftinga Rogalandsforskning. Dei resterande eigarandelane (16,6 %) er fordelte mellom fleire regionale aktørar, der dei største er Agder Research Holding AS (eigd 52 % av Universitetet i Agder) med 9,3 % og UiT Noregs arktiske universitet med 3,2 %.[3]
NORCE er ei vidareføring av forskingsinstitutta Agderforskning, Christian Michelsen Research (CMR), GenØk - Senter for biosikkerhet, International Research Institute of Stavanger (IRIS), Norut Northern Research Institute, Uni Research, Uni Research Polytec og Teknova. Instituttet sitt eldste opphav går attende til opprettinga av Chr. Michelsens Institutt i 1930. NORCE er heil- eller deleigar i dei Oslo-baserte institutta Nasjonalt kunnskapssenter om vold og traumatisk stress (NKVTS), Nasjonalt utviklingssenter for barn og unge (NUBU) og Nordisk Institutt for Odontologiske Materialer.
NORCE har om lag 750 tilsette. Camilla Stoltenberg vart tilsett som konsernsjef for instituttet i 2023. Hovudkontoret ligg i Bergen, men administrerande direktør har kontor i Oslo.[4]
Historie og verksemd
[endre | endre wikiteksten].jpg)
Instituttet vart etablert i si noverande form i 2017 på initiativ frå Universitetet i Bergen, Universitetet i Stavanger og Universitetet i Agder.[5] I 2019 kom også UiT Noregs arktiske universitet inn på eigarsida. Sidan dei norske universiteta er ein del av staten, er den norske staten majoritetseigar i NORCE. NORCE er eit ideelt aksjeselskap, der overskotet går til selskapet si forsking.
Eit viktig føremål med etableringa var å vere ein motvekt til SINTEF.[6] NORCE er også tenkt som ein norsk pendant til store forskingsorganisasjonar i andre land, som Frankrike sitt CNRS og Tyskland sitt MPG.
Forskingingsselskapet NORCE vart stifta i juli 2017 og overtok i januar 2018 eigarskapen i forskingsinstitutta Agderforskning, Christian Michelsen Research AS, International Research Institute of Stavanger AS, Teknova AS og Uni Research med tilhøyrande dotterselskap. Hausten 2018 vart institutta fusjonerte inn i NORCE. I desember 2018 overtok NORCE eigarskapen i Norut Northern Research Institute, som vart fusjonert inn i 2019. I 2021 vart GenØk - Senter for biosikkerhet fusjonert inn. NORCE forvaltar også staten sine aksjar i nokre selskap som ikkje er ein del av NORCE.
NORCE har verksemd i Oslo, Bergen, Stavanger, Tromsø, Haugesund, Kristiansand, Grimstad, Bardu, Alta og Svalbard. Hovudkontoret er i Bergen.
Camilla Stoltenberg vart tilsett som konsernsjef for instituttet i 2023.[7]
Kjelder
[endre | endre wikiteksten]- Første versjon av denne artikkelen var ei direkte omsetjing av «NORCE» frå Wikipedia på bokmål, den 7. mai 2025
Referansar
[endre | endre wikiteksten]- ↑ https://www.proff.no/selskap/norce-norwegian-research-centre-as/bergen/forskning-og-utvikling/IF7E3SH00FV; arkiv-URL: https://web.archive.org/web/20240625134940/https://www.proff.no/selskap/norce-norwegian-research-centre-as/bergen/forskning-og-utvikling/IF7E3SH00FV.
- ↑ «Eigarar - Norce». NORCE Norwegian Research Centre (på norsk bokmål). Henta 8. august 2023.
- ↑ «About us - Norce». NORCE Norwegian Research Centre (på engelsk). Henta 24. april 2023.
- ↑ Camilla Stoltenberg: – Svært vemodig
- ↑ Ny forskingsgigant får namnet NORCE
- ↑ Instituttselskap kan utvide mot nord
- ↑ «Camilla Stoltenberg ny konsernsjef i Norce». Khrono. Henta 24. april 2023.
