Hopp til innhald

Naaja Nathanielsen

Frå Wikipedia – det frie oppslagsverket
Naaja Nathanielsen

Fødd6. desember 1975 (50 år)
Tasiilaq
Statsborgar avKongeriket Danmark
PartiInuit Ataqatigiit
Yrkepsykolog, politikar
Utdanna vedKøbenhavns Universitet
Alle verv
  • Minister for Housing, Infrastructure, Minerals and Gender Equality (2021–2021)
  • Naalakkersuisoq for Finanser og Ligestilling (2021–2023)
  • direktør for kriminalforsorgen i Grønland (2016–2021)
  • Industriminister (2025–)
  • medlem av Folketinget Sjå dette på Wikidata

Naaja Hjelholt Nathanielsen (fødd 6. desember 1975)[1] er ein grønlandsk politikar for partiet Inuit Ataqatigiit. Ho har vore minister sidan april 2021 og er sidan 2025 minister for næring, råstoff, energi, justisområdet og likestilling i regjeringa til Jens-Frederik Nielsen.[2] Nathanielsen er utdanna psykolog og var direktør for Kriminalomsorga på Grønland frå 2016 til 2021.

Bakgrunn

[endre | endre wikiteksten]

Nathanielsen vart fødd i Tasiilaq i 1975.[1] Ho er utdanna psykolog (cand.psych.) frå Københavns Universitet i 2001.[3]

Nathanielsen arbeidde ved pedagogisk-psykologisk rådgjeving (PPR) på Bornholm frå 2001 til 2002 og ved barne- og ungdomsrådgjevinga i Jyllinge frå 2002 til 2003. Frå 2003 til 2009 var ho fagdirektør i Sermersooq kommune, med eit avbrot i 2008–2009 då ho var undervisar og konsulent.[3] Frå 2009 til 2016 var ho medlem av Inatsisartut, før ho forlét politikken og vart direktør for Kriminalomsorga på Grønland frå 1. august 2016.[4] Ho gjekk av frå direktørstillinga ved utgangen av april 2021 etter at ho igjen vart medlem av Inatsisartut og Naalakkersuisut.[5]

Politisk karriere

[endre | endre wikiteksten]

Nathanielsen vart vald inn i Inatsisartut for Inuit Ataqatigiit ved valet i 2009 med 196 røyster,[6] og attvald i 2013 med 155 røyster[7] og i 2014 med 470 røyster.[8] I mars 2016 melde ho seg ut av Inuit Ataqatigiit. Ho heldt fram som uavhengig representant i Inatsisartut resten av vårsesjonen i 2016, før ho deretter forlét politikken.[9]

Nathanielsen gjorde comeback som politikar då ho stilte til val for Inuit Ataqatigiit ved valet til Inatsisartut i 2021 og vart vald med 422 røyster.[10]

Frå 23. april 2021 vart Nathanielsen minister for bustader, infrastruktur, råstoff og likestilling i regjeringa Múte Bourup Egede I etter valet.[11] Den 18. juni 2021 tok ho òg mellombels over ansvaret for justisområdet frå Eqaluk Høegh, som var ramma av stress. Overføringa vart gjort permanent frå og med 7. august 2021.[12] Etter ei regjeringsrokade 27. september 2021, forårsaka av at Asii Chemnitz Narup trekte seg,[13] vart Nathanielsen minister for næring, råstoff, justisområdet og likestilling.[14][15] Desse ansvarsområda har ho, med tillegg av ansvaret for energiområdet, halde fram med i regjeringa Jens-Frederik Nielsen.[2]

Privatliv

[endre | endre wikiteksten]

Nathanielsen er sambuar med Pilo Samuelsen. Ho har to barn og to bonusbarn.[3]

Kjelder

[endre | endre wikiteksten]
  1. 1 2 «Naaja Hjelholt Nathanielsen». altinget.dk. Henta 26. juni 2022.
  2. 1 2 «Grønlands nye regering er på plads: 'Vi står sammen om et trygt og frit Grønland, der er under udvikling'», DR (på dansk), 28. mars 2025, henta 23. mars 2026
  3. 1 2 3 «Naalakkersuisoq for Finanser og Ligestilling». naalakkersuisut. Arkivert frå originalen 26. juni 2022. Henta 26. juni 2022.
  4. ↑ Camilla Dam (24. juni 2016). «Naaja Nathanielsen fra Inatsisartut til Kriminalforsorgen». KNR. Henta 26. juni 2022.
  5. ↑ Malik Brøns (24. august 2021). «Kriminalforsorgen i Grønland med ny direktør». KNR. Henta 26. juni 2022.
  6. ↑ «Mandater og stedfortrædere». valg.gl. (velg "Landstingsvalg 2009" i menyen)
  7. ↑ «Mandater og stedfortrædere». valg.gl. (velg "Landstingsvalg 2013" i menyen)
  8. ↑ «Mandater og stedfortrædere». valg.gl. (velg "Landstingsvalg 2014" i menyen)
  9. ↑ «Naaja Nathanielsen melder sig ud af IA». KNR. 4. mars 2016. Henta 26. juni 2022.
  10. ↑ «Mandater og stedfortrædere». valg.gl. (velg "Inatsisartutvalg 2021" i menyen)
  11. ↑ «Overblik: Her er de nye Naalakkersuisut-medlemmer». KNR. 16. april 2021. Henta 30. september 2021.
  12. ↑ «Múte: Ressortændring gøres permanent». Sermitsiaq. 10. august 2021. Henta 26. juni 2022.
  13. ↑ Malik Brøns (23. november 2021). «Asii Chemnitz Narup trækker sig som naalakkersuisoq for finanser». KNR. Henta 26. juni 2022.
  14. ↑ «Cirkulære nr. 3 af 27. september 2021 om fordeling af anliggender (Ressortfordelingen)».
  15. ↑ Múte om Asii’s beslutning: Det er selvfølgelig beklageligt (23.11.2021 ). Naalakkersuisut.gl. Hentet 18. oktober 2025
Henta frå «https://nn.wikipedia.org/w/index.php?title=Naaja_Nathanielsen&oldid=3648271»