Nadezjda Tkatsjenko

Nadezjda Tkatsjenko
Alias	Russisk skrift Надежда Владимировна Ткаченко, ukrainsk skrift Надія Володимирівна Ткаченко, Nadija Volodymyrivna Tkatsjenko
Statsborgarskap	Sovjetunionen
Fødd	19. september 1948 (77 år) Krementsjuk
Idrett	friidrett
Tok del i	Sommar-OL 1980, Sommar-OL 1976, Sommar-OL 1972
Utmerkingar	Arbeidets røde fanes orden, Hedret mester i idrett av Sovjetunionen, honorary citizen of Donetsk Oblast

Nadezjda Vladimirovna Tkatsjenko (fødd 19. september 1948) er ein ukrainsk tidlegare friidrettsutøvar frå Krementsjuk som tevla i mangekamp for Sovjetunionen. Ho vart europameister i femkamp i 1974 og olympisk meister i Moskva i 1980.

Aktiv

Tkatsjenko fekk sin internasjonale meisterskapsdebut i sommar-OL 1972 i München, der ho enda på niandeplassen i femkampen. Året etter vann ho femkampøvinga i universiaden, før ho i 1974 vann EM-gull i Roma. Med 4 776 poeng var ho 100 poeng føre sølvvinnaren Burglinde Pollak frå Aust-Tyskland. Under sommarleikane i Montreal i 1976 kom ho på femteplass med 4 669 poeng.

Frå 1977 vart 200 meter bytta ut med 800 meter i femkampøvinga, noko som var ein fordel for Tkatsjenko som ikkje var spesielt kjapp i sprintøvingane. Ho gjekk til topps i femkamp i friidretts-EM i Praha hausten 1978, men ho mista gullmedaljen då det vart avslørt at ho hadde brukt anabole steroid. Margit Papp frå Ungarn vart deretter erklært som vinnar av EM-femkampen.

Tkatsjenko var utestengd fram til OL i Moskva sommaren 1980. Den 23. og 24 juli 1980 presterte ho sin beste mangekamp nokon gong, og vann den olympiske gullmedaljen med 5 087 poeng, ny verdsrekord

Doping

Tkatsjenko testa positivt på anabole steroid under Friidretts-EM 1978, og vart utestengd frå idrett i knappe 2 år.

Kjelder

• Denne artikkelen bygger på «Nadeschda Tkatschenko» frå Wikipedia på tysk, den 30. august 2014.