Nasjonal Raudliste 1998

Nasjonal Raudliste 1998 vart gitt ut av Direktoratet for naturforvalting i 1998 og er ei oversikt over artar som dei meinte hadde begrensa levedyktigheit i Noreg over tid.

Vurderingane var tufta på Den internasjonale naturvernorganisasjonen (IUCN) sine kriterie. Lista frå 1998 inneheld 3062 artar, som utgjer 20,9 % av 14 637 vurderte norske artar. Raudlista omfattar ikkje berre artar som er i tilbakegang i dag; ho kan også omfatte artar som er i framgang, men då ut frå ein tidlegare sterkt redusert bestand. Det er utarbeidd ei eige raudliste for fuglar og pattedyr på Svalbard.

I 2006 kom dei ei ny Norsk Raudliste 2006. Ho omfattar heile Noreg med Svalbard og havområda.

IUCN har sett opp ei global raudliste som gjeld heile verda.

Kriteria som vart brukt for raudlisting i 1998

Verdas naturvernunion (IUCN) har utarbeidd kriteria for raudlisting i kategoriar. Direktoratet for naturforvalting tok utgangspunkt i dei internasjonale kategoriane frå 1988 og kom fram til desse kategoriar for den norske lista:

• Utrydda (Ex - Extinct)
• Direkte trua (E - Endangered) Artar som står i fare for å døy ut i næraste framtid om dei negative faktorane held fram.
• Sårbar (V - Vulnerable) Sårbare artar med sterk tilbakegang,
• Sjeldan (R - Rare) Sjeldne artar som ikkje er direkte trua eller sårbare, men som likevel er i ein utsett situasjon pga. liten populasjon eller med spreidd og sparsam utbreiing.
• Fordrar stort omsyn (DC - Decling, care demanding species) Artar som ikkje høyrer til kategoriane E, V eller R, men som pga. tilbakegang krev spesielle omsyn og tiltak.
• Må ha oppsyn (DM - Declining, monitor species) Kategorien omfattar artar som har gått tilbake, men som ikkje vert rekna som trua.

Talet på direkte trua artar (E) etter den nasjonale raudlista frå 1998

Myrsnipe (Calidris alpina). Underarten Sørleg myrsnipe (schinzii) står på raudlista for Noreg. Foto: Marek Szczepanek

Oversyn etter organismegrupper:

Organismegruppe	Tal
Sopp	87
Kransalgar	8
Busk- & bladlav	17
Mosar	65
Karplantar	33
Blautdyr i ferskvatn	6
Augestikkarar	6
Teger	1
Biller	28
Nettvenger	1
Vårfluger	1
Sommarfuglar	15
Årevenger	13
Amfibier	2
Fuglar	7
Pattedyr	2
Totalt	292

Direkte trua pattedyr og fuglar i Noreg etter den nasjonale raudlista frå 1998

Pattedyr
Ulv	Canis lupus
Fjellrev	Alopex lagopus
Fuglar
Dverggås	Anser erythropus
Åkerrikse	Crex crex
Sørleg myrsnipe	Calidris alpina schinzii
Nordleg sildemåke	Larus fuscus fuscus
Sørleg gulerle	Motacilla flava flava
Engelsk gulerle	Motacilla flava flavissima
Hortulan	Emberiza hortulana

Bakgrunnsstoff

• IUCN Red List
• Norsk Raudliste 2006, 8MB Arkivert 2011-07-24 ved Wayback Machine.
• Søk i Raudlistebasen
• Nasjonal raudliste for trua artar i Noreg 1998 Arkivert 2006-01-15 ved Wayback Machine.