Hopp til innhald

Natalja Pogonina

Frå Wikipedia – det frie oppslagsverket
Natalja Pogonina

Statsborgarskap Russland
Fødd 9. mars 1985 (40 år)
Språk russisk
Nettstad http://www.pogonina.com
Natalja Pogonina på Commons

Natalja Andrejevna Pogonina[a] (fødd 9. mars 1985) er ein russisk sjakkspelar og kvinneleg stormeister. Ho blei nummer to under verdsmeisterskapen i sjakk for kvinner i 2015. Ho er to gongar russisk kvinnemeister, i 2012 og 2018.

Pogonina var medlem av det gullmedaljevinnande russiske landslaget under sjakk-OL for kvinner i 2012 og 2014, og i 2011 under EM i lagsjakk for kvinner.

Sjakkarriere

[endre | endre wikiteksten]
Natalja Pogonina vinn gull i lagspel i lynsjakk under de første World Mind Sport Games i Beijing i 2008.

Natalja Pogonina er fødd i Vladivostok. Ho lærte å spele sjakk i ein alder av fem av bestefaren hennar. Ho har vore ein aktiv sjakkspelar sidan 1993 etter at ho vann damturneringa på skulen.[1]

Pogonina gjorde seg merka i 1998 då ho vann den russiske meisterskapen for jenter under 14 år. Ho har vunne to gullmedaljar under EM i sjakk for ungdom, i divisjonen jenter under 16 i 2000 og jenter under 18 i 2003. I 2004 blei Pogonina tildelt tittelen kvinneleg stormeister. Nokre av dei andre utmerkingane hennar er då ho vann Bykova-minnesmerket i 2005,[2] Rudenko-minnesmerket i 2007,[3] bronsemedalje i Nord-Ural-turneringa[4] og då ho delte fyrsteplassen i verdsmeisterskapen i universitetssjakk for kvinner i 2008.[5]

I 2008 vann Pogonina gullmedalje i lag-lynsjakk og bronsemedalje i lag-hurtigsjakk i den fyrste World Mind Sport Games i Beijing og scora 6 av 7 poeng på bord fem for det russiske landslaget i kvinnesjakk under sjakk-OL.[6] Ho enda på fyrsteplass (med 8 poeng etter 9 parti) under den prestisjetunge Moscow Open i 2009[7], og vann bronsemedaljen under europameisterskapen i sjakk i 2009 (på tie-break).[8]

I 2011 vann Pogonina gullmedaljar i både European Club Cup for kvinner[9] og europameisterskapen i lagsjakk,[10] i tillegg til sølv i verdsmeisterskapen i lagsjakk for kvinner.[11]

I august 2012 vann Pogonina den den russiske sjakkmeisterskapen for kvinner med ein score på 6,5 av 9 poeng.[12]

I 2012 spelte Pogonina åtte av dei elleve partia på reservebordet (bord 5) for det russiske kvinnelaget, som vann gullmedaljen under sjakk-OL i Istanbul. Ho scora 6,5 av 8 poeng og vann gullmedaljen for sin individuelle prestasjon på bord 5.

I 2014 spelte Pogonina for det russiske kvinnelaget og vann nok ein gullmedalje under sjakk-OL i Tromsø.

Pogonina nådde finalen i verdsmeisterskapen for kvinner i 2015, men tapte mot Marija Muzytsjuk.

Andre sjakkrelaterte aktivitetar

[endre | endre wikiteksten]

Pogonina har vore spaltist på Chess.com sidan 2009.[13] Ho har sjakkblogger på Sports.ru[14] og RedHotPawn.com[15].

Pogonina har fungert som vert og kommentator for sjakkarrangement på ei rekkje sjakknettsider, blant dei ChessGames.com[16] og Chessdom.com[17]. Pogonina kunngjorde i 2009 at ho og Peter Zhdanov vile gje ut ei bok med tittelen «Chess Kama Sutra». Boka fekk mykje merksemd frå internasjonale medium.[18][19][20][21][22][23][24] I 2009 blei Pogonina ambassadør for Chess Elite-programvaren.[25]

I 2008 studerte Pogonina for ein mastergrad innan juss ved Saratov statlege jussakademi.[26]

Hobbyane hennar er flamenco, musikk, fotografi, reise, sport, litteratur og poesi. Brukarnamnet hennar på «Internet Chess Club» er «bagira».[27]

Den 5. juni 2009 gifta Pogonina seg med IT-spesialisten Peter Zhdanov.[28][29] I 2009 fekk dei ein son.[30]

  1. russisk Ната́лья Андре́евна Пого́нина
  1. «Биография». Arkivert frå originalen 31. mars 2007. Henta 30. oktober 2008. 
  2. «NatalijaPogonina wins Bykova Memorial in Vladimir | Chess News». Chessbase.com. Henta 23. august 2014. 
  3. «Федерация Шахмат Санкт-Петербурга». Totalchess.spb.ru. Arkivert frå originalen 26. august 2014. Henta 23. august 2014. 
  4. «Zhu Chen wins North Urals Cup 2007». ChessBase GmbH. Henta 3. mars 2016. 
  5. «XC.to Mondiale Universitario femminile». Federazione Schacchistica Italiana. Henta 3. mars 2016. 
  6. «Olympiad Dresden 2008 Women». Arkivert frå originalen 4. desember 2008. Henta 25. november 2008. 
  7. «Фан сайт — Открытый Московский Шахматный Чемпионат». Moscowchessopen.ru. Arkivert frå originalen 6. august 2014. Henta 23. august 2014. 
  8. «X European Chess Championship St.Peterburg 2009». Arkivert frå originalen 16. februar 2009. Henta 20. mars 2009. 
  9. «EUROPEANCLUB CUP 2011». Ecc2011.sahohlacnik.com. Arkivert frå originalen 17. september 2014. Henta 23. august 2014. 
  10. «ETCC2011, standings women section». Euro2011.chessdom.com. Henta 23. august 2014. 
  11. «WWCT2011». Wwct2011.tsf.org.tr. Henta 23. august 2014. 
  12. «НатальяПогонина стала чемпионкой России». Russiachess.org. Arkivert frå originalen 14. september 2012. Henta 23. august 2014. 
  13. «Member: Natalia_Pogonina». Chess.com. Henta 23. august 2014. 
  14. «ШахматнаяКамасутра, шахматы - Блог на». Sports.ru. Henta 23. august 2014. 
  15. «NataliaPogonina : About me». Redhotpawn.com. Arkivert frå originalen 14. august 2022. Henta 23. august 2014. 
  16. «ChessGames Database & Community». Chessgames.com. Henta 23. august 2014. 
  17. «WGMNatalia Pogonina joins the Chessdom commentators team | Chessdom». Games.chessdom.com. Arkivert frå originalen 4. juli 2014. Henta 23. august 2014. 
  18. «New York Post». Henta 30. mars 2024. 
  19. ZEIT ONLINE GmbH, Hamburg, Germany (18. mars 2010). «Brettspiel: Schach | ZEIT ONLINE». Die Zeit (Zeit.de). Henta 1. desember 2014. 
  20. «TheBest Chess Players of Every Age». 
  21. McClain, Dylan Loeb (24. januar 2010). «Movie and Book Explore Link Between Board and Bedroom». The New York Times. 
  22. «TimesStore». Timesplus.co.uk. Henta 1. desember 2014. 
  23. «Chess». TheScotsman. Henta 1. desember 2014. 
  24. ЗАО ИД «Комсомольская правда». «В Саратове гроссмейстер Наталья Погонина пишет "Шахматную Камасутру"». Kp.ru. Henta 1. desember 2014. 
  25. «GrandmasterNatalia Pogonina joins Chess Elite online community | Chess Elite news | iPhone». Pocket Gamer. Henta 1. desember 2014. 
  26. «Саратовскаягосударственная юридическая академия». Sgap.ru. Arkivert frå originalen 14. august 2022. Henta 1. desember 2014. 
  27. «bagira». InternetChess Club. Henta 3. mars 2011. 
  28. «Natalia and Peter - a new chess couple - Welcome to the official website of Natalia Pogonina!». Pogonina.com. Henta 1. desember 2014. 
  29. «Congratulationsto Natalia and Peter, the new chess couple | Chess News». Chessbase.com. Henta 1. desember 2014. 
  30. «NataliaPogonina: the birth of a son! - Welcome to the official website of Natalia Pogonina!». Pogonina.com. Henta 1. desember 2014.