Arena Birmingham

Frå Wikipedia – det frie oppslagsverket
(Omdirigert frå National Indoor Arena)
Arena Birmingham

Foto: Philip Pankhurst
Opna4. oktober 1991
Kart
Arena Birmingham
52°28′47″N 1°54′54″W / 52.479722222222°N 1.915°W / 52.479722222222; -1.915

Arena Birmingham er ein innandørs konsertarena i Birmingham i Storbritannia. Arenaen har NEC Group som eigar, og ligg i Birmingham sentrum. Han opna dørene i 1991 under namnet National Indoor Arena, som det største i sitt slag i Storbritannia.[1] Etter ei større ombygging i 2013–2014, opna arenaen på nytt i desember 2014 som Barclaycard Arena. I 2017 fekk bygninga sitt noverande namn. Arenaen har plass til 15 800 publikummarar og arrangerer alt frå konsertar og idrettskampar til konferansar og utstillingar.[2]

Historie[endre | endre wikiteksten]

Bygginga starta i 1988, og National Indoor Arena blei offisielt opna 4. oktober 1991 av idrettsutøvaren Linford Christie.[3] Dei fyrste åra blei anlegget brukt til både underhaldingstilstellingar og idrettsarrangement. Blant anna blei Eurovision Song Contest 1998 arrangert i arenaen i mai 1998.

I 2012 godkjente Birmingham byråd planane om å pusse opp og byggje om arenaen. Arbeida starta i juni året etter, og blant anna blei eksteriøret bytta. Det blei også gjort større ombyggingar inne i sjølve arenaen.[4] Den ombygde arenaen fekk namnet Barclaycard Arena og opna i 2. desember 2014 med ein konsert med Michael Bublé.[5][6]

Arenaen fekk sitt noverande namn i september 2017.[7]

Kjelder[endre | endre wikiteksten]

  1. «Our brands». NEC Group. Henta 24. januar 2015. 
  2. «Venue Information». Barclaycard Arena. Arkivert frå originalen 6. februar 2015. Henta 24. januar 2015. 
  3. «Birmingham NIA». ActivBirmingham. Arkivert frå originalen 18. oktober 2015. Henta 24. januar 2015. 
  4. «International firm awarded £24m contract to refurbish Birmingham NIA». Birmingham Post (Birmingham). 16. mai 2013. Henta 14. mars 2014. 
  5. «Michael Bublé officially launches Birmingham’s ‘Barclaycard Arena’ | Koninklijke BAM Groep / Royal BAM Group». www.bam.eu. Henta 11. desember 2016. 
  6. Brown, Graeme (29. september 2014). «Michael Bublé to perform as NIA renamed the Barclaycard Arena». Birmingham Mail. Henta 24. januar 2015. 
  7. «Barclaycard Arena in Birmingham changes its name again». Birmingham Mail. 11. september 2017. Henta 20. september 2017. 

Bakgrunnsstoff[endre | endre wikiteksten]