Nautgardstinden
| Nautgardstinden | |||
| fjell | |||
 | |||
| Land |  Noreg
| ||
|---|---|---|---|
| Område | Vågå (Innlandet) | ||
| Fjellområde | Jotunheimen | ||
| Høgd | 2 258 moh. | ||
| Primærfaktor | 573 m | ||
| Førstestiging | 1841 (Wergeland) | ||
| Koordinatar | 61°36′11″N 8°45′35″E / 61.60306°N 8.75972°E | ||
 Nautgardstinden 61°36′11″N 8°45′35″E / 61.603055555556°N 8.7597222222222°E | |||
Nautgardstinden er eit fjell i Noreg på 2258 meter over havet. Det ligg i Vågå og Lom kommunar i Innlandet i Jotunheimen. Fjellet ligg heilt aust i Jotunheimen mellom Veodalen og Sjodalen, og et den sørlegaste toppen av ein lang rygg med seks fjell over 2000 meter. Ein kan sjå toppen langs delar av riksveg 51 frå Båtskaret i sør til Hindsæter i nord.
Frå sør har fjellet ei nesten perfekt kjegleform og er eit flott syn når han er dekt av nysnø. «Nautgard» er ein stad der kyr vart samla og nord for toppen finn ein ein djup dal kalla Nautgarden.
Frå toppen er det flott utsyn sørover og austover sidan det ikkje er andre toppar høgare enn 1850 meter i desse retningane. Teoretisk kan ein sjå heilt til åsane nord for Oslo i klårvêr. Snøhetta, Rondane og fjella i Valdres, som Bitihorn kan ein sjå frå toppen. I vest ligg Jotunheimen og ein kan sjå Glittertind.
Nautgardstind ligg i Jotunheimen nasjonalpark.
Denne geografiartikkelen som har med Innlandet å gjere, er ei spire. Du kan hjelpe Nynorsk Wikipedia gjennom å utvide han.