Nawal El Moutawakel

Frå Wikipedia – det frie oppslagsverket
Hopp til navigering Hopp til søk
Nawal El Moutawakel
Nawal El Moutawakel (cropped).JPG
Statsborgarskap Marokko
Fødd 15. april 1962
Casablanca
Idrett friidrett
Yrke politikar, friidrettsutøvar

Nawal El Moutawakel (fødd 15. april 1962) er ein marokkansk tidlegare friidrettsutøvar som vart olympisk meister på 400 meter hekk. Sidan 1990-åra har ho hatt leiande posisjonar i idrettsorganisasjonar og vore sportsminister i Marokko.

Aktiv[endre | endre wikiteksten]

Moutawakel vann både korthekken og langhekken ved afrikameisterskapen 1982 i Kairo. Ho deltok året etter i begge øvingane under den fyrste verdsmeisterskapen i friidrett, der ho i langhekktevlinga tok seg til semifinalane og på korthekken rauk ut allereie i forsøket.

Under OL 1984 i Los Angeles gjorde Moutawakel sitt livs løp på 400 m hekk og tok den olympiske gullmedaljen på tida 54,61 sekundar. Ho vart dermed den fyrste kvinna frå eit muslimsk land som vart olympisk meister. I 1987-sesongen sigra ho på langhekken både i universiaden og middelhavsleikane, men gjorde eit svakt løp i verdsmeisterskapen og forsvann frå den internasjonale idrettsarenaen.

Medaljar og plasseringar i internasjonale meisterskap[endre | endre wikiteksten]

  • VM 1983 i Helsinki: Utslått i semifinalane i 400 m hekk (57,10 =nr 12)
  • OL 1984 i Los Angeles: Gullmedalje i 400 m hekk – 54,61, framom Judi Brown (55,20)
  • VM 1987 i Roma: Utslått i forsøka i 400 m hekk (57,23 =nr 18)

Politikk[endre | endre wikiteksten]

Moutawakel har hatt posisjonar i Det internasjonale friidrettsforbundet sidan 1995. Frå 1998 har ho vore medlem i Den internasjonale olympiske komitéen, styremedlem frå 2012. I 2007 vart Moutawakel utnemnd til sportsminister i Marokko.

Kjelder[endre | endre wikiteksten]