Nellee Hooper

Frå Wikipedia – det frie oppslagsverket
Hopp til navigering Hopp til søk
Nellee Hooper
Fødd15. mars 1963 (56 år)
FødestadBristol i England
OpphavStorbritannia
SjangerElectronica, trip hop, rock, house
Tilknytte artistarThe Wild Bunch, Sinéad O'Connor, Soul II Soul, Björk, Massive Attack, Madonna, Gwen Stefani, Smashing Pumpkins, Paloma Faith, U2
Verka somkomponist, musikkprodusent
Sambuar medErica Packer

Nellee Hooper (fødd 15. mars 1963) er ein britisk produsent, remixer og låtskrivar som har arbeidd med mange store artistar frå slutten av 1980-åra. Han har òg skrive musikk for filmar, mellom anna i lag med Craig Armstrong og Marius De Vries for Baz Luhrmann-filmen Romeo + Juliet i 1996.

Hooper har produsert seks Grammy-vinnande album for artistar som Smashing Pumpkins, U2 (beste song og album), Soul II Soul og Sinead O'Connor. Han har òg vunne prisen for beste produsent av musikkmagasinet Q.

Biografi[endre | endre wikiteksten]

Hooper var fødd i Bristol og starta karrieren som DJ og medlem av Wild Bunch, eit Bristol-basert band som sidan skulle bli Massive Attack.

Mellom 1989 og 1992 produserte han debutalbuma for Soul II Soul (Club Classics Vol. I), Massive Attack (Blue Lines) og Björk (Debut), som i magasinet Mixmag i 1995 vart rangerte til 31., 1. og 3. beste dance-album gjennom tidene.

Under BRIT Award i 1995 fekk Hooper prisen for beste produsent for arbeidet med Massive Attack-albumet Protection, Björk sitt Post og Madonna sitt Bedtime Stories.

I 1998 vann han ein BAFTA-bris for musikken til Baz Luhrmann-filmen Romeo + Juliet.

Hooper fortsette arbeidet i 2000-åra. Han vart nominert til ein Grammy i 2003 for arbeidet sitt med No Doubt-albumet Rock Steady og Lamya sitt Learning From Falling. Han har òg produset singlane «GoldenEye» (1995) for Tina Turner, «Under the Bridge» (1998) for All Saints og «Down Boy» (2002) for Holly Valance, i tillegg til å ha remixa artistar som Janet Jackson og Sade.

Han arbeidde med Gwen Stefani på soloalbuma hennar og på U2-albumet How to Dismantle an Atomic Bomb i 2004, som han vann ein Grammy for. Han har òg prpodusert debutalbumet til Andrea Corr frå The Corrs, kalla Ten Feet High frå 2007.

Prisar[endre | endre wikiteksten]

Grammy-vinnarar[endre | endre wikiteksten]

Soul II Soul 1989

Soul II Soul-albumet Club Classics Vol. One i 1989.

Sinead O'Connor 1991

Sinead O'Connor tok prisen for beste alternative musikk med I Do Not Want What I Haven't Got.

Smashing Pumpkins 1997

Singelen «The End Is the Beginning Is the End» vann prisen for beste hardrocksong.

U2 2006

How to Dismantle an Atomic Bomb vann prisen for årets album.

Utvald diskografi som produsent[endre | endre wikiteksten]

Kjelder[endre | endre wikiteksten]

Bakgrunnsstoff[endre | endre wikiteksten]