Netta Barzilai

Frå Wikipedia – det frie oppslagsverket
Hopp til navigering Hopp til søk
Netta Barzilai
Netta Barzilai - Eurovision 2018 - 2 (cropped 2).jpg
Fødd22. januar 1993 (28 år)
FødestadHod HaSharon
OpphavIsrael
Aktiv2016–
Sjangerelektronisk musikk
Instrumentgitar, synthesizer, live looping
Verka sommusikar, singer-songwriter, DJ, songar
PrisarFirst prize of the Eurovision Song Contest, ACUM award

Netta Barzilai (fødd 22. januar 1993), også kjend under artistnamnet Netta, er ein israelsk songar.[1] I mai 2018 vart ho internasjonalt kjend då ho vann Eurovision Song Contest med songen «Toy».

Bakgrunn[endre | endre wikiteksten]

Barzilai vart fødd i Hod HaSharon i Israel i 1993, og ho bur framleis i byen. Ho kjem frå ein georgisk familie, og som barn flytta ho og familien til Nigeria. Der budde familien i fire år før dei vende tilbake til Israel.[1]

Før ho starta obligatorisk fyrstegongsteneste i det israelske forsvaret, hadde ho eit tenesteår i Nahal og tenestegjorde seinare saman med Det israelske marinebandet.[2]

Etter vidaregåande og militærteneste studerte Barzilai elektronisk musikk ved Rimon School of Music, og i 2016 var ho med på å starte improviasjons-vokalensemblet The Experiment som turnerte over heile Israel. Ho hadde òg hovudrolla i teateroppsetninga Running on the Sea.[3]

Eurovision Song Contest[endre | endre wikiteksten]

I 2018 deltok Barzilai i femte sesong av den israelske talenttevlinga HaKokhav HaBa (norsk: den neste stjerna), og vann tevlinga i februar 2018. Gjennom sigeren vart ho den israelske representanten til Eurovision Song Contest 2018 i Lisboa i mai 2018.[4][5][6]

11. mars vart det klårt at Barzilai skulle deltake i Eurovision Song Contest med songen «Toy», og bidraget vart raskt favoritt blant spelselskapa til å vinne tevlinga.[7] Fram mot tevlinga heldt ho på favorittstempelet, men i dagane før finalen laurdag 12. mai, låg ho på andreplass på bettinglistene, bak kypriotiske Eleni Foureira og «Fuego».

Israel kvalifiserte seg til finalen etter å ha vunne semifinale 1, og i finalen vann Barzilai til slutt avrøystinga med 529 poeng – 317 poeng frå sjåarane og 212 poeng frå juryane. Dette var den fjerde sigeren til Israel i Eurovision Song Contest.[8][9]

Diskografi[endre | endre wikiteksten]

Singlar[endre | endre wikiteksten]

År Song
2018 «Toy»
2019 «Bassa Sababa»[10]

Kjelder[endre | endre wikiteksten]

  1. 1,0 1,1 «Netta Barzilai: 10 facts about Israel’s Eurovision 2018 singer | wiwibloggs». wiwibloggs (på engelsk). 31. mars 2018. 
  2. «Netta Barzilai from "The Next Star": "As a fat girl I just wanted to be normal"». Walla! culture (på hebraisk). 12. februar 2018. 
  3. «Destination Lisbon (#5): Meet Netta Barzilai from Israel - Eurovision Song Contest Lisbon 2018». Henta 28. mars 2018. 
  4. «Netta Barzilai to represent Israel in Lisbon!». Eurovision.tv. 13. februar 2018. 
  5. Farren, Neil (13. februar 2018). «Israel: Netta Barzilai to Eurovision 2018». Eurovoix. 
  6. Welsh, Eleanor (13. februar 2018). «Israel: Netta Barzilai wins The Next Star 2018 and goes to Lisbon!». ESCToday. 
  7. Netta Barzilai to sing Toy in Lisbon Arkivert 26. februar 2018 på Wayback Machine. escchat.com 25. februar 2018
  8. «Israel vant Eurovision». VG.no (på norsk). 13. mai 2018. 
  9. «Eurovision 2018 Results: Voting & Points». Eurovisionworld (på engelsk). 13. mai 2018. 
  10. «Netta releases new single "Bassa Sababa", her first since winning Eurovision 2018». 1. februar 2019. Henta 12. februar 2019.