Nicola Vizzoni

Nicola Vizzoni
Statsborgarskap	Italia
Fødd	4. november 1973 (51 år) Pietrasanta
Idrett	friidrett
Tok del i	Sommar-OL 2012, Sommar-OL 2008, Sommar-OL 2004, Sommar-OL 2000
Utmerkingar	offiser av Republikken Italias fortjenstorden

Vizzoni under Moskva-VM 2013

Nicola Vizzoni (fødd 4. november 1973) er ein italiensk tidlegare sleggjekastar frå Pietrasanta som vann sølvmedaljen i øvinga under Sommar-OL 2000 og ved europameisterskapen 2010.

Aktiv

Vizzoni sette personleg rekord i OL-finalen 2000 med eit kast på 79,64 meter og sikra seg ein noko overraskande sølvmedalje, 38 centimeter bakk gullvinnar Szymon Ziółkowski frå Polen. Den 14. juli 2001 gjorde Vizzoni sitt livs lengste sleggjekast på 80,50 meter då han sigra ved eit stemne i Formia. Same året vann han øvinga ved universiaden i Beijing så vel som i mellomhavsleikane i Tunis. Under verdsmeisterskapen 2001 i Edmonton vart han fjerdemann med eit bestekast på 80,13 m, 14 cm bak bronsemedaljøren.

Ved EM 2010 i Barcelona kneip Vizzoni sølvmedaljen med sine 79,12 meter, 6 cm framom Krisztián Pars frå Ungarn, begge ein liten meter bakom europameisteren Libor Charfreitag.

Vizzoni vart italiensk meister i sleggjekasting elleve gongar: 1998, 2000–2007 og 2009–2010.

Medaljar og plasseringar i internasjonale meisterskap

• VM 1997 i Aten: Utslått i kvalifiseringa (73,42 m=nr 22)
• VM 1999 i Sevilla: Nr 9 – 78,31 m
• OL 2000 i Sydney: Sølvmedalje – 79,64 m, bakom Szymon Ziółkowski (80,02 m)
• VM 2001 i Edmonton: Nr 4 – 80,13 m
• EM 2002 i München: Utslått i kvalifiseringa (77,57 m=nr 13)
• VM 2003 i Paris: Utslått i kvalifiseringa (75,76 m=nr 15)
• OL 2004 i Aten: Nr 10 – 74,27 m
• VM 2005 i Helsinki: Utslått i kvalifiseringa (70,77 m=nr 25)
• EM 2006 i Göteborg: Nr 9 – 76,55 m
• VM 2007 i Osaka: Utslått i kvalifiseringa (73,64 m=nr 16)
• OL 2008 i Beijing: Utslått i kvalifiseringa (75,01 m=nr 13)
• VM 2009 i Berlin: Nr 9 – 73,70 m
• EM 2010 i Barcelona: Sølvmedalje – 79,12 m, bakom Libor Charfreitag (80,02 m)
• VM 2011 i Daegu: Nr 8 – 77,04 m
• EM 2012 i Helsinki: Nr 5 – 75,13 m
• OL 2012 i London: Nr 7 – 76,07 m
• VM 2013 i Moskva: Nr 7 – 77,61 m
• EM 2014 i Zürich: Nr 11 – 73,94 m

Kjelder

• Denne artikkelen bygger på «Nicola Vizzoni» frå Wikipedia på tysk, den 17. juni 2020.

• World Athletics
• «Nicola Vizzoni» (på engelsk). Olympedia. Henta 10. mars 2023.