Nils Torsteinsson Areklett
(Omdirigert frå Niels Torstensen Arklet)
| Nils Torsteinsson Areklett | |
| Statsborgarskap | Noreg |
| Fødd | 1787 Naustdal |
| Død |
27. februar 1871 (83 år) |
| Yrke | bonde, politikar |
| Språk | norsk |
Nils Torsteinsson Areklett eller Niels Torstensen Arklet (1787–27. februar 1871) var ein norsk gardbrukar og stortingsmann frå Naustdal i Sunnfjord.
I barneåra skal Areklett berre ha gått 3–4 dagar årleg i skule. Han tok i si tid over farsgarden i Naustdal. I 1833 var han 2. representant frå Nordre Bergenhus amt på Stortinget. Ved stortingsvalet i 1835 vart han vald til 1. varamann og møtte i 1836 frå 4. juli, og på omframstortinget 1836-37 i staden for Ola Olsson Heimsæter. Han var i 1833 medlem av tollkomiteen og i 1836-37 av militærkomiteen. Nokre år var han med i heradsstyret i Naustdal.
Han døydde på slektsgarden i Naustdal i 1871.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Nils Torsteinsson Areklett NSD Norsk senter for forskningsdatas politikararkiv