Nikolaikyrkja i Oslo

Koordinatar: 59°54′15.01″N 10°45′52.57″E / 59.9041694°N 10.7646028°E / 59.9041694; 10.7646028
Frå Wikipedia – det frie oppslagsverket

59°54′15.01″N 10°45′52.57″E / 59.9041694°N 10.7646028°E / 59.9041694; 10.7646028

Nikolaikyrkja i Oslo
Kart
Nikolaikyrkja
59°54′15″N 10°45′53″E / 59.90416944°N 10.76460278°E / 59.90416944; 10.76460278

Nikolaikyrkja var ei kyrkje i Oslo i mellomalderen. Kyrkja låg i Gamlebyen, like vest for Clemenskyrkja og nordaust for kongsgarden, om lag der Follobanen går i dag.

Kyrkja var vigd til Nikolas av Myra. Ho er omtala i eit brev fra 1297 der det går fram at det området ein no kallar Bekkelaget, tilhøyrde Nikolaikyrkja sokn.[1] Få detaljar er kjende om utsjånaden til kyrkja, til dømes om ho hadde tårn. Ein trur at ho var lita.

Kyrkja skal ha lege i ruinar mot slutten av 1500-talet. Ved arkeologiske utgravingar i 1877 leia av Peter Andreas Blix vart det funne murrestar frå ei steinkyrkje og graver. Ein trur at dette dreidde seg om Nikolaikyrkja. I dag er det ingen synlege restar på staden,[2] men under utgravinga av Follobanen fann ein skjelett frå menneske som truleg var spedalske.[3]

Kjelder[endre | endre wikiteksten]

Fotnotar[endre | endre wikiteksten]

  1. Schia (1995), s. 38. Schia tar rett nok atterhald når det gjeld autentisiteten til brevet.
  2. Eit bilete i Bull si bok gjev seg ut for å syne Nikolaikyrkja, men motivet er faktisk Clemenskyrkja.
  3. NIKUs arkeologiblogg: Episode 1 Arkivert 2016-10-03 ved Wayback Machine. og Episode 2 Arkivert 2016-10-03 ved Wayback Machine. om analysar av skjelett.

Bakgrunnsstoff[endre | endre wikiteksten]