Nils Liedholm
 | |||
| Fødd | 8. oktober 1922 | ||
|---|---|---|---|
| Fødestad | Valdemarsvik | ||
| Død | 5. november 2007 | ||
| Dødsstad | Cuccaro Monferrato | ||
Nils Erik Liedholm (8. oktober 1922–5. november 2007) var ein svensk fotballsspelar og -trenar frå Valdemarsviks kommun i Östergötlands län. Han vann OL-gull 1948 og VM-sølv 1958 med det svenske landslaget og var gjennom 1950-åra del i den legendariske svenske trioen Gre-No-Li i AC Milan. Liedholm var ein klok indreløpar og ein uvanleg presis pasningsleggjar.
Liedholm byrja spele for Valdemarsviks IF i 1938. Fem år seinare kom han til Norrköpings-klubben IK Sleipner. Frå 1946 spelte han på storklubben IFK Norrköping, eit lag han vann allsvenskan med både i 1947 og 1948. Gjennom åra 1947-49 spelte han 18 landskampar, høgdepunktet var finalen i dei olympiske sommarleikane 1948 i London, ein kamp som enda med svensk siger 3-1 over Jugoslavia.
Sommaren 1949 skreiv Lidholm kontrakt med AC Milan. I Milan fekk han landsmennene Gunnar Gren og Gunnar Nordahl til lagkameratar. Liedholm vart den sentrale spelstyraren i Gre-No-Li-trioen, ein angrepstrio som skapte svensk etterkrigshistorie ikkje berre i AC Milan men også i italiensk fotball. Gjennom tolv sesongar var han med å vinne den italienske liagen fire gongar. I 1958 tok Milan seg til finalen i europacupen i fotball, der det vart tap for Real Madrid. Etter å ha vore utanfor landslaget i nær ti år, deltok Liedholm i VM i fotball 1958 på svensk heimebane. Han var Sveriges lagkaptein i alle fem VM-kampane. Den 29. juni 1958 leidde han eit svensk lag ut til finalen i turneringa. Fire minuttar ut i kampen mot Brasil sende han Sverige i føringa, men sidan tok brasilianarane over og vann 5-2, ikkje minst takk vere 17-åringen Pele. Med dei fem VM-kampane kom Liedholm opp i 23 kampar og 12 mål i landslagstrøya.
Både i 1960-, 1970- og 1980-åra var Liedholm trenar for AC Milan, eit lag han førte til seriemeisterskap 1979. Tre år etter førte han også AS Roma til siger i Serie A. Også AS Roma trente han i fleire periodar.
Liedholm flytta ikkje tilbake til Sverige. Han døydde i ein landsby i provinsen Alessandria, der han hadde budd i fleire tiår.
Kjelder[endre | endre wikiteksten]
- (en) Nils Liedholm – Profil og resultatoversikt i olympiske konkurransar på sports-reference.com.
- Denne artikkelen bygger på «Nils Liedholm» frå Wikipedia på svensk, den 18. juni 2018.
|  | |