Nils R. Dale

Nils R. Dale
Statsborgarskap	Noreg
Fødd	12. januar 1899
Død	30. juli 1988 (89 år)

Nils R. Dale (12. januar 1899–30. juli 1988) var fødd i Fjell. Han var lærar og lokalpolitikar for Arbeidarpartiet i gamle Brekke kommune. Nils Dale var lærar i Takle skulekrins frå 1923-45. Han var ordførar i Brekke kommune frå 1938 til 1943. Han vart då arrestert av okkupasjonsstyresmaktene den 13. juli og sett i fangenskap, først på Ulven og seinare i Bergen. Han vart sett fri 13. juli 1944. Etter krigen var over tok han på nytt over som ordførar for ein kort periode, men flytta frå kommunen straks etter. Då han døydde var han busett i Vågå.

Kjelder

• Brekke sogelag: Brekke sogn - Tun og ætt s. 498
• NRK Sogn og Fjordane Fylkesleksikon: Folk frå Gulen i tysk fangenskap