Nina Afanasieva

Frå Wikipedia – det frie oppslagsverket
Nina Afanasieva

Fødd1. februar 1939 (85 år)
Lovozerskij rajon
Statsborgar avSovjetunionen, Russland
Yrkepolitikar, lærar, informant, omsetjar, forfattar, leksikograf, stemmeskodespelar
Utdanna vedHerzen-universitetet
Andre namnrussisk Нина Елисеевна Афанасьева; pseudonym, kildinsamisk Ельцэ Нӣна Афанасьева

Nina Afanasieva (fødd 1. februar 1939) er ein russisk samisk politikar og språkaktivist.

Nina Afanasieva i 2006.
Nina Afanasieva i 2014.
Nina Afanasieva framfor den Europeiske menneskerettsdomstolen i Strasbourg i 2014.

Liv og virke[endre | endre wikiteksten]

Nina Jelisejevna Afanasieva vart fødd i landsbyen Varsino. Foreldra hennar var samar og ho voks opp med kildinsamisk som morsmålet sitt.[1]

I 1963 fullførte ho studiane sine i pedagogikk ved Institut Narodov Severa i Leningrad og jobba fram til 1983 som lærer i russisk språk og litteratur, og dessutan tysk ved vaksenopplæringa i Apatity og Murmansk.[1]

Sidan 1980 har Afanasieva arbeidd med bevaring og utvikling av det trua samiske språket på Kolahalvøya. Ho er medforfattar av den første ordboka frå kildinsamisk til russisk som vart utgitt i 1985 under redaksjon av Rimma Kurutsj. I tillegg til ordboka har Afanasjeva bidratt til ei rekke lærebøker og didaktisk materiale på kildinsamisk. I 2010 var ho òg forfattar av ei kildinsamisk-russisk ordbok.

Etter perestrojka i 1987 har Afanasieva vore aktiv som samisk politikar og minoritetsaktivist. Ho var ein av grunnleggarane av Foreininga Samisk i Murmansk oblast i 1998, og leidde denne organisasjonen frå 1990 til 2010.

I 2012 vart Afanasieva og Aleksandra A. Antonova tildelt språkprisen Gollegiella. Prisen vart overrekt 19. desember på det norske generalkonsulatet i Murmansk.[2] Grunngivinga for den samla tildelinga til Afanasjeva og Antonova var dei leiande rollene deira i revitalisering av kildinsamisk som lærarar, politikarar, forfattarar og omsetjarar.[3]

Afanasieva bur og arbeider i Murmansk.

Utvalde utgivingar[endre | endre wikiteksten]

  • 1985: Саамско-русский словарь
  • 1988: Saam'kīll: razrabotki po saamskomu jazyku dlja natsjal'noj shkoly
  • 1990: Metoditsjeskoje rukovodstvo po obutsjeniju saamskomu jazyku: primernyje pourotsjnyje razrabotki k utsjebniku saamskogo jazyka dlja I-go klassa
  • 1990: Metoditsjeskoje rukovodstvo po obutsjeniju saamskomu jazyku: primernyje pourotsjnyje razrabotki k utsjebniku saamskogo jazyka dlja 2-ogo klassa
  • 1990: Metoditsjeskoje rukovodstvo po obutsjeniju saamskomu jazyku v natsjal'noj shkole
  • 1990: Saamskij jazyk v kartinah: utsjebnik po razvitiju retsji v 1-om klasse saamskoj shkoly
  • 1990: Sam' drepe: utsjebnik saamskogo jazyka dlja 2-go-klassa
  • 1991: Pudz'jench: kniga dlja dopolnitel'nogo tsjtenija v saamskoj natsional'noj shkole
  • 1991: Sam' drepe: utsjebnik saamskogo jazyka dlja 3-ogo klassa
  • 1991: Soagknehk': saamsko-russkij jeg russko-saamskij slovar' dlja natsjal'noj shkoly
  • 1995: Pravila orfografii jeg punktuacii saamskogo jazyka
  • 2000: "Hilferuf vom Rande des Eismeers", i: Die Saami, hrsg. von Wolf-Dieter Seiwert. Leipzig
  • 2008: Лазер каллса моаййнас. Кырьха лӣ Ельцэ Нӣна
  • 2009: Severnoe sijanie: saamskij jazyk v kartinkah
  • 2010: Самь-рушш соарнънэгк
  • 2012: "Современное состояние саамского языка", i: Коренные народы евро-арктического региона

Prisar og utmerkingar[endre | endre wikiteksten]

Kjelder[endre | endre wikiteksten]

Bibliografi
  • Øverland, Indre & Berg-Nordlie, Mikkel. Bridging the Divides: Ethno-Political Leadership among the Russian Sámi. Oxford: Berghahn Books, 2012
  • Wolf-Dieter Seiwert (red.) Die Saami. Indigenes Volk am Anfang Europas. Leipzig: tysk-russiske senter, 2000. (på tysk)