Nora Mørk

Frå Wikipedia – det frie oppslagsverket
Hopp til navigering Hopp til søk
Nora Mørk
Nora Mørk 20141115.jpg
Fødd 5. april 1991
Oslo
Nora Mørk på Commons

Nora Mørk (fødd 5. april 1991) er ein norsk handballspelar frå Oslo som frå august 2016 spelar på den ungarske toppklubben Győri ETO. Sidan 2013 har den venstrehendte rykkrom-spelaren vore den fremste angrepskrafta i det norske landslaget. Mørk vart europameister i 2010, 2014 og 2016, verdsmeister i 2015 og vann OL-bronse i 2016.

Aktiv[endre | endre wikiteksten]

Talentfulle Mørk spelte på Bækkelagets Sportsklub i 2007 og -08, bortsett frå ei kort tid i danske Aalborg. Sesongen 2008/09 var ho aktiv i Oslo-laget Njård IL. Sommaren 2009 melde ho overgang til Noregs beste handballag på kvinnesida, Larvik HK. Gjennom sju sesongar i Larvik vann ho ei mengd norske seriemeister-titlar og NM-finalar, trass i fleire skadeavbrot i nokre av dei fyrste sesongane. Sommaren 2016 vart ho overført til ungarske Györi ETO.

Mørk debuterte på det norske landslaget den 21. september 2010 mot Romania og tok del i handball-EM 2010. Ho til dels imponerte i debutmeisterskapen, og frå sin plass som høgre kantspelar skåra ho 23 mål og var mykje delaktig i at Noreg triumferte. Langvarige kneskadar sette henne utanfor meisterskaps-turneringane dei neste to åra. I verdsmeisterskapen 2013 var ho Noregs toppskårar med sine 30 mål. Året etter var ho sentral på det norske laget som vann EM 2014. Ho kom då med i meisterrekka (All Star Team) som beste høgre rykkrom-spelar, og var med sine 41 mål atter norsk toppskårar. Under handball-VM 2015 vart ho verdsmeister og kom på ny med i meisterrekka som beste høgre rykkrom-spelar. Mørk var suveren toppskårar med 62 nettkjenningar i handballturneringa under Sommar-OL 2016, der Noreg vann bronse.

Merittar[endre | endre wikiteksten]

  • EM 2010: Gullmedalje etter 25-20 mot Sverige
  • VM 2013: Nr 5 med Noreg
  • EM 2014: Gullmedalje etter 28-25 over Spania
  • VM 2015: Gullmedalje etter 31-23 over Nederland
  • OL 2016: Bronsemedalje etter 36-26 over Nederland
  • EM 2016: Gullmedalje etter 30-29 mot Nederland

Kjelder[endre | endre wikiteksten]