Noralv Pedersen

Noralv Pedersen
Statsborgarskap	Noreg
Fødd	1975 (51 år)
Yrke	skribent, journalist, programleiar
Prisar	Gullruten for beste regi

Noralv Pedersen (fødd 1975) er ein norsk forfattar og journalist frå Vik i Sogn. Pedersen er kjend som programleiar i tv-programmet Der ingen skulle tru at nokon kunne bu.

I 2026 vann han og Der ingen skulle tru at nokon kunne bu Gullrutens fagpris for beste regi underhaldning, og han fekk commended-utmerking av den europeiske kringkastingsprisen Prix Circom i 2025 og 2026.

Noralv Pedersen er cand.polit. med hovudfag i geografi frå NTNU. Tidlegare har han arbeidd som journalist og spaltist i m.a. NRK Sogn og Fjordane, NRK Vestland, NRK Kulturnytt, Dag og Tid og Klassekampen.

Han har gitt ut fleire bøker. I 2009 kom Den gode viljen. Ein dokumentar om norsk fredspolitikk, og i 2013 gav han ut Når far treng meg. Ei forteljing om pårørande i norsk eldreomsorg.

Prisar og utmerkingar

• Gullrutens fagpris 2026, beste regi einkamera underhaldning.
• Commended-utmerking, Prix Circom 2026.
• Commended-utmerking, Prix Circom 2025.
• Nominert til Gullruten 2025, beste reality- og livsstilsprogram.
• Nominert til Gullrutens fagpris 2025, beste regi einkamera underhaldning.
• Årets grasrottrenar, Sogn og Fjordane 2025.

Bibliografi

Bøker

• 1998 – Fri (Trondheim: Tapir). ISBN 82-519-1318-7 I fulltekst ved nb.no  [Red. saman med Tore Hugubakken]
• 2000 – Bølgedager: reportasjer om studenter (Trondheim: Tapir). ISBN 82-519-1573-2 I fulltekst ved nb.no  [Red. saman med Eiliv Gunleiksrud]
• 2007 – Austen og Vesten på kollisjonskurs: politikarar i Aust-Timor sine oppfatningar av demokrati (Trondheim: Eige forlag)
• 2009 – Den gode viljen: ein dokumentar om norsk fredspolitikk (Oslo: Spartacus). ISBN 978-82-430-0481-8
• 2013 – Når far treng meg: ei forteljing om pårørande i norsk eldreomsorg (Oslo: Spartacus). ISBN 978-82-43007604

Kjelder

• NRK Sogn og Fjordane

Bakgrunnsstoff

• Forfattarside ved spartacus.no